The Definitive Guide to Living in the Capital , Cairo , Egypt

“سكي إيجيبت – Ski Egypt” هو أول منتجع تزلج ومتنزه ثلجي داخلي مش بس في مصر، لكن في أفريقيا كلها، المكان موجود في مول مصر بمدينة السادس من أكتوبر وأمام مدينة الإنتاج الإعلامي، وهناك هتقدروا تستمتعوا بـ 7000 طن من الثلج الحقيقي المذهل، في درجات حرارة تحت الصفر.

في الموضوع ده، هنعرفكم على 4 أنشطة هتستمتعوا بيها في “سكي إيجيبت” مول مصر.

اللعب في حديقة الثلج

بعد ما هتدخلوا “سكي إيجيبت – Ski Egypt” هتلاقوا نفسكم في حديقة ثلجية بتمتد على مساحة 7،500 متر مربع، والحديقة دي بتخدم العائلات والأطفال بداية من سن سنتين، وهي أكبر حديقة ثلجية داخلية في الشرق الأوسط. في الحديقة دي هتقدروا تستمتعوا بأنشطة غير قابلة للمنافسة في درجات حرارة قطبية متجمدة هتنعش حياتكم.

بتضم الحديقة منطقة ثلجية للعب الأطفال وقطار بولار إكسبرس وزورب بول والتيوب ران وبوبسليد وأبراج التوندرا ومسيرة البطاريق.

تعليم التزلج

المكان فيه كمان مدرسة لتعليم التزلج للمبتدئين، بتقدم دروس تزلج خاصة ودروس لمجموعات لجميع الأعمار بداية من سن 3 سنين، وبتتميز بوجود مدربين معتمدين من أكاديمية الرياضات الجليدية في النمسا، وهتقدروا هناك تتعلموا التزلج على الجليد بطريقة محترفة وسهلة في نفس الوقت.

 

العبوا سنوبوردينج

في المكان ده هتقدروا تتعلموا كمان رياضة السنوبوردينج، ودي عبارة عن تزلج بزلاجة واحدة عريضة، وتعليم الرياضة دي متاح للجميع من سن 7 سنين، وبعد التدريب هتكونوا مؤهلين للتزلج على المنحدر الرئيسي المبهج في “سكي إيجيبت – Ski Egypt”.

اتعرفوا على بالبطاريق

طيور البطريق الموجودة في “سكي إيجيبت – Ski Egypt” اتولدت في منطقة في اليابان، واستقرت في “سكي إيجيبت – Ski Egypt” من وهي صغيرة واتعلمت المشي هناك، المكان فيه 10 بطاريق من نوعين مختلفين، ولكل بطريق منهم اسم خاص بيه، هناك هتعرفوا أسماء البطاريق وهتقدروا تندهوا عليهم.

 

تقدروا تعرفوا أسعار “سكي إيجيبت – Ski Egypt”  من هنا.