The Definitive Guide to Living in the Capital , Cairo , Egypt

كلنا عارفين أن القاهرة فيها أزمة قمامة؛ كل يوم الزبالين بـ يجمعوا حوالى 40% من قمامة القاهرة المنزلية، يعنى حوالى 70.000 طن قمامة. الزبالين عددهم حوالى 25.000 فرد، معظمهم عايش فى المقطم، شغلتهم تجميع القمامة بدون أى مقابل، وقصاد كده بـ يكسبوا لقمة عيشهم عن طريق فرز، وتنظيف وإعادة تدوير حوالى 90% من اللى جمعوه.

جمعية حماية البيئة (A.P.E) غير حكومية بدأت سنة 1984 بهدف رفع مستوى معيشة الزبالين؛ آلاف الرجال والسيدات والأطفال عايشين وشغالين على إعادة التدوير فى المقطم. بدأت الجمعية الخيرية بإنتاج نوع فريد من السماد صنعوه من تخمير القمامة وبقايا الحيوانات، وبعد كده باعوه والعائد منه راح للعمال. من وقتها، حصلت زيادة رهيبة فى عدد السكان وكميات القمامة، وانتقل المشروع لمكان أكبر فى القطامية وتغير مكانه لبساتين رائعة بـ تساعد على تحسين جودة الهواء فى المنطقة المحيطة.

حصل تضاعف كمان فى حجم المساعدات اللى بـ تقدمها المنظمة، وقدرت تقدم خدمات ما تقدرش بثمن لعدد من الفقراء بـ يزيدوا يوم بعد يوم، كل شغلهم بـ يبقى وسط جو ملوث. تحسين ظروف معيشة الزبالين بـ يتم عن طريق تمكين المرأة، وحماية الأطفال، والتطوير، وتقديم خدمات صحية، والتصنيع عن طريق إعادة التدوير وارتقاء المجتمع.

سنة 1997، التقارير قالت أن 34% من الأولاد و41% من البنات سنهم بين 12 و14 سنة كانوا مش بـ يشتغلوا؛ وبكده أغلبية السن ده ما أخذش حقه من التعليم. سنة 1989، بدأت المنظمة برنامج محو أمية من شقة صغيرة فى الريف. ومن هنا حصل توسع كبير فى تعليم الأطفال والأنشطة الاجتماعية ووصلت لمرحلة التمهيدى، والحضانة، وحصص بعد وقت الدراسة الرسمى، وأنشطة متنوعة، ورحلات قصيرة ومعسكرات صيفية. وبجانب تأكيد أهمية القراءة والكتابة خصوصًا للأطفال الصغيرين، جمعية حماية البيئة كمان أكدت على أهمية الاستمتاع بالتراث وسن الطفولة، ودى حاجات مهمة بس كثير مننا بـ يهملوها.

أمراض الدم المعدية زى الكبد الوبائى B و Cمنتشرة وسط فئة الزبالين، خصوصًا أن نفايات المستشفيات بـ تتشال عن طريقهم. جمعية حماية البيئة بـ تقدم خدمات صحية زى حملات توعية، وعلاج وبرامج وقائية. التركيز بـ يكون أكبر على شريحة المتعلمين، مش بس كمحاولة لمنع نقل الأمراض لكن علشان القضايا المؤثرة زى زواج البنات المبكر وختان الإناث. حملة “انقذ المواليد الجدد” بـ تركز كل جهودها علشان يعرفوا الأسباب الحقيقية لمعدل الوفيات الكبير فى مناطق الزبالين فى محاولة لتقليل الكارثة دى.

واضح قوى التركيز على تحسين وضع السيدات –أمهات المستقبل– ورجوع فن إعادة التدوير لمكانته المحترمة. فى أواخر سنة 1980 فتح مصنع لماكينات إعادة التدوير وتم إنشاء مركز للنسج وصناعة اللحاف من بواقى الأقمشة. ورش التدريب علمت أكثر من 1000 سيدة وشابة النسج عن طريق ماكينة نسيج يدوية، وكمان فن التصميم وخياطة الملابس. بعد مؤتمر عن إعادة تدوير المخلفات سنة 1991، فريق عمل الجمعية جاء لهم فكرة إنشاء مصنع خاص بهم يعيد تدوير الورق. خامة الورق تعتبر صديقة للبيئة، بـ تُصنع من القطن والمياه مخلوطين على شكل عجينة فى بانيوهات قديمة وبعدين بـ يسيبوها تتجفف فى القالب. ساعات بـ يضيفوا بتلات ورد من البساتين eco-garden الخاصة بهم على الخليط بحيث الورق يبقى شكله جميل ومش تقليدى.

كل منتجاتهم الطبيعية الفريدة بـ تُباع فى مكانهم فى المقطم. تقدر تلاقى فى المحل حاجات ثانية منها سجاد، وبطاطين، وشنط، وقفازات للطبخ. تقدر كمان تشترى منهم مجوهرات مطرزة مبهجة بـ يصنعوها من ورق المجلات، والورق ده بـ يتحول كمان لكروت معايدة، ودعوات، وكروت شخصية وحاجات ثانية. أسعار منتجاتهم معقولة جدًا وومكن تصميمها يتعمل على ذوقك لو الكمية المطلوبة كبيرة؛ كل ده بـ يساعد الناس اللى شغالة وسط القمامة أنها تعيش حياة أحسن وأنظف.

بجانب جمعيات خيرية ثانية، جمعية حماية البيئة مش بس وسعت نشاطها لمنطقة طرى، واحدة من أفقر مناطق معيشة الزبالين، دى كمان معترف بها دوليًا نتيجة لإنجازاتها. زيارة المقر الرئيسى للجمعية الموجود فى وسط العشوائيات ممكن يترتب مع المندوب. هـ تقابلك مشكلة فى الوصول للمنطقة إلا لو عرفت توصل لسواق تاكسى حافظها. الجمعية بـ تعرض أنها تقابل وترجع المجموعات عند القلعة، بعد ما يقضوا جولة فى مصانعهم ومحلاتهم فى ساعة زمن. بـ يطلبوا منك تبرع صغير قيمته 5$، وطبعاً لو عاوز تتبرع بأكثر من كده يبقى تمام.

لو عاوز تعرف أكثر عن أنشطة جمعية حماية البيئة الرائعة، ادخل على موقعهم الرسمى.