جوائز اختيارات المحررين لأفضل الفنادق لعام 2015
Cairo 360
مصر شافت سنين أحسن من كده بكثير في مجال السياحة، وطبعًا البلد دلوقت بـ تحاول تقف على رجليها من ثاني، ومافيش فرق كبير بين مجال السياحة والضيافة لأن الاثنين معتمدين على بعض.
القاهرة ممكن تكون مش أكثر مكان مريح في العالم بسبب الزحمة والتلوث، وبرغم ده نسبة الدخول والخروج فيها بـ تتعدى فوق المليون شخص بشكل دوري، تخيلوا!.. الفائزين في جوائز أفضل الفنادق هم اللي قدروا يتغلبوا على الظروف دي ويقدموا مستوى من الفخامة وعدوا به عملائهم.
الفائزين بجوائز اختيارات المحررين لعام 2015 لأفضل الفنادق:
فور سيزونس نايل بلازا- Four Seasons Nile Plaza
البساطة هي مفتاح النجاح وفورسيزون نايل بلازا عارف ده كويس جدًا، فيه أكبر سبا فى المدينة والعديد من أماكن اللاونج، الفندق ده على عكس الآخرين ضمن لنفسه مكان في قائمة الفائزين.
فور سيزونس فيرست ريزدنس- Four Seasons First Residence
عكس الكثير من الفنادق فور سيزون فيرست ريزدنس بـ يتبع منهج دقيق ومتطور بـ يتميز بالرقي والفخامة في الخدمات المطابقة للمواصفات العالمية.
فيرمونت نايل سيتي – Fairmont Nile City
لما نيجي نتكلم عن الفخامة وأماكن السهر فندق فيرمونت نايل سيتي عنده أحسن اختيارات لأماكن ممكن تأكل فيها في القاهرة، غير أشهر المحلات والحفلات اللي بـ يستضيفها.
فيرمونت هليوبوليس & تاورز- Fairmont Heliopolis & Towers
فندق فيرمونت هليوبوليس & تاورز بـ يضم حوالي 18 مطعم وكافيه ومكان للسهر، يعتبر مركز لأماكن كثيرة ممكن تأكل فيها، ده غير طبعًا الفخامة ومعايير فيرمونت المطابقة للمواصفات العالمية.
فندق ماريوت القاهرة – Cairo Marriott Hotel
الفندق ده كان قصر الخديوى إسماعيل في أواخر سنة 1800، وده اللي خلاه يحتفظ بأصالته وثراء تاريخ المكان، كمان نجحوا فى تحويله لفندق من غير ما يؤثر على الجانب الأثرى.
فندق جي دبليو ماريوت – JW Mariott
بـ يضم 3 حمامات سباحة وملعب جولف ومطاعم كثيرة، فندق جي دبليو ماريوت اشتهر بسرعة وبقى من أكثر الفنادق المطلوبة لتنظيم الأحداث والمؤتمرات والأفراح، وطبعًا ده بفضل خدمته الممتازة والأجواء الممتعة اللي بـ يوفرها.
دوسيت ثاني ليك فيو – Dusit Thani Lake View
موقعه فى منطقة القاهرة الجديدة اللى عمالة بـ تكبر يوم عن يوم مع الخضرة والأطباق الوهمية بـ تضيف فخامة آسيوية كنا مفتقدينها في القاهرة من مدة طويلة.
فندق رنيسانس ميراج سيتي – Renaissance Mirage City Hotel
يعتبر فندق رنيسانس ميراج سيتي من أحدث الفنادق في القاهرة، قدر أنه يجمع بمهارة ما بين العلامة التجارية والفخامة مع الذوق الحديث المعاصر، مكانه مناسب جدًا في القاهرة الجديدة، ده غير أن فيه أفضل أماكن للأكل والشرب والترفيه.
فندق كمبنسكي النيل – Kempinski Nile Hotel
بـ يجمع ما بين مميزات الفندق الصغير والأناقة اليومية الأوربية، فندق كمبنسكي النيل نجح في تنفيذ شعار "أشياء بسيطة منفذة بطريقة جميلة".
فندق كونراد القاهرة – Conrad Cairo Hotel
منظر النيل مع المطاعم الفريدة في فندق كونراد القاهرة تعتبر عوامل جذب بسيطة لعملائهم بالنسبة لموقعهم المتميز في وسط المدينة.
فنادق قليلة جدًا اللي نقدر نقارنها بالمينا هاوس، برغم حجمه الصغير مقارنة بباقي الفنادق إلا أنه بـ يعوض ده بعراقته والمنظر الساحر على الأهرامات.
سميراميس إنتركونتننتال- InterContinental Semiramis
موقع سميراميس إنتركونتننتال المميز على أول الكورنيش بـ يسهل لعملائه التنقل في الأماكن المحيطة به، ده غير منطقة الرووف وجوائز الامتياز اللي حصلت عليها المطاعم بتاعته.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
