The Definitive Guide to Living in the Capital , Cairo , Egypt

هنا القاهرة الفاطمية! التاريخ الجميل للعاصمة المصرية، المباني والشوارع والحواري المدهشة، ومنها حارة الدرب الأصفر، اللي اختلفت الحكايات في تفسير سبب اسمها، البعض بيؤكد أن الحارة اشتهرت كانت مشهورة بطلاء مبانيها باللون الأصفر، لكن البعض الآخر بيقول إن أصل الإسم بيرجع للنحاس الأصفر، وده لأن ورش تصنيع النحاس كانت منتشرة هناك وقتها.

كان للحارة دي زمان باب خشبي عند مدخلها أمام مسجد بيبرس الجاشنكير بشارع الجمالية، والباب ده كان بيعبر عن خصوصية دروب وحواري القاهرة اللي كانت بتغلق بوابتها في المساء علشان مافيش أي غريب يدخلها.

كان الخلفاء الفاطميين بيتعاملوا مع الحارة دي باعتبارها منحر لذبائح عيد الأضحى، وكان الخليفة الفاطمي مع كبار رجال دولته بيحضروا في موكب عظيم بعد أداء صلاة عيد الأضحى إلى الدرب علشان يشهدوا نحر الأضاحي.

حارة الدرب الأصفر في قلب القاهرة الفاطمية كأنها متحف طبيعي مفتوح للزائرين طول ساعات الليل والنهار. الحارة بتمتد بداية من منطقة الموسكي وانتهاء بحي الجمالية الشهير متقاطعة مع شارع المعز لدين الله الفاطمي، وبتضم على جانبيها مجموعة ضخمة من التراث الإنساني العظيم، اللي لسة قائم في مكانه رغم مرور عقود من الزمان.

بتحتوي الحارة على العشرات من البيوت الأثرية التاريخية الشهيرة، منها بيت السحيمي وهو أكثرها شهرة، وإضافة إلى عدد من البيوت الأثرية الثانية اللي من أهمها بيت مصطفى جعفر الخرزاني إضافة إلى عشرات السبل والزوايا الصغيرة والكتاتيب، زي سبيل وكتّاب قيطاس، ومسجد وسبيل وكتّاب سليمان أغا السلحدار.

وبتتميز البيوت الأثرية في حارة الدرب الأصفر بالمشربيات وجميعها مشربيات مصنوعة من الخشب المخروط دقيق الصنع.

وحاليًا، بتتميز حارة الدرب الأصفر بنظافتها وبريقها وده بعد عملية تطوير شاملة استغرقت حوالي 5 سنين، وده خلاها من أجمل المتاحف العالمية المفتوحة للزائرين.