حديقة الحرية: مساحة خضراء مريحة نفسيًا وتماثيل من أمريكا اللاتينية
الحرية الزمالك القاهرة تماثيل حدائق القاهرة حدائق عامة حديقة الحرية خروجات العيد محمود مختار
Katie Dryden
الصور لـ ياسمين رفعت الشعراوي
دايمًا زوار وسكان القاهرة بيشتكوا من نقص المساحات الخضراء، ومن هنا أصابنا اليأس فى العثور على حدائق ومتنزهات عامة سهلة الدخول، على العموم، حديقة الحرية في أمام دار الأوبرا المصرية، بتعتبر واحدة من أكثر الأماكن المجهولة وقليلة الشهرة في القاهرة، رغم إنها مكان هادي وجميل بيبعدك تمامًا عن دوشة القاهرة.
الأجواء الجميلة الهادئة بتقدم حاجة صعب تلاقيها فى معظم أماكن القاهرة.. جو من الهدوء والسكينة وسط الطبيعة الساحرة. المنطقة الخضراء الهادئة مكانها بعد ميدان الجزيرة على طول، ولازم تخصص لها زيارة. ناس كثير للنهارده عارفين حديقة الحرية تحت اسم “حديقة محمود مختار” لأنها كانت متصلة بـ متحف محمود مختار من عقدين سابقين. سنة 1991، كل حاجة تغيرت، والحديقة انفصلت عن المتحف تحت اسمها الجديد “حديقة الحرية”.
طيب، إيه منتظرك فى حديقة الحرية؟
الحديقة بتضم غير مساحة الخضرة الواسعة، 11 تمثال، كل منهم عليه اسم، تاريخ الميلاد والوفاة، ونبذة عن الشخص وأعماله.
واحد من التماثيل كان “أمير الشعراء” أحمد شوقى. تمثال تانيمكتوب عليه رامون كاستيلا، وهو اللى قضى على العبودية فى بيرو عام 1854، التمثال هدية من بيرو لمصر.
كل واحد من التماثيل بيجسد شخصية بارزة قدرت تصنع علامة مميزة وتقدم تغيير إيجابى لبلدها وتساعد على وصول شعوبها للحرية، معظم التماثيل تم تقديمها لمصر كهدية من بلاد أمريكا اللاتينية منها المكسيك، وفينزويلا والإكوادور. حديقة الحرية بتركز فى الحقيقة على العلاقة بين مصر وأمريكا اللاتينية.
دخول حديقة الحرية مش مكلف خالص، تقريبًا هي أرخص حديقة في القاهرة، وتقدر تقضى وقت على كيفك من 9 صباحًا لغاية منتصف الليل. المكان من الداخل فعلاً روعة فى وجود ممشى من الصخور الحمراء بيمتد وسط نخل، شجر وحشائش خضرا مريحة للعين.
خلال شهور الصيف، أجمل وقت تقضيه هناك هو بالليل وتتمشى تحت السماء المضاءة بالنجوم وسط أعمدة إنارة منتشرة فى كل مكان لإضاءة المكان. المكان رومانسى جدًا وهايل للمرتبطين، وبيقدم مناظر خلابة للتصوير، فتأكد أن معاك الكاميرا الخاصة بيك، كمان احتمال تشوف برج القاهرة بإطلالته الجميلة على حسب مكان وقوفك.
حديقة الحرية مكان هايل للاستمتاع بنزهة وسط الزرع الأخضر، أو تشرب حاجة فى الكافيه الخاص بالحديقة على كراسى بشمسية تحميك من أشعة الشمس.
سواء عاوز تعرف معلومات تاريخية أو تهرب من زحام وضوضاء شوارع القاهرة، حديقة الحرية تعتبر مهرب ممتاز فى كل الأوقات.
الحديقة في الزمالك.. وأقرب محطة مترو ليها هي الأوبرا.. فرصة تزورها في عيد الفطر.. كل سنة وأنتم طيبين.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
