Mohammed Sabry
المعهد الفرنسي في مصر في منطقة المنيرة، هو كيان تابع للسفارة الفرنسية ضمن 143 معهد ومركز ثقافي فرنسي حول االعالم. بيقدم أنشطة مستمرة تقدروا تستمتعوا بيها في وقت فراغكم.
والشهر ده المعهد بيدعوكم لاستقبال الموسم الصيفي بالموسيقى. وده من خلال مجموعة من الأفلام الموسيقية المتنوعة، وكمان حفلة عيد الموسيقى المميزة. ده غير الاحتفال بذكرى وفاة فولتير النيل “ألبير قصيري.
أنشطة المعهد الشهر ده بتهتم بالموسيقى بشكل كبير، ومهما كان ذوقك هتستمتع بحضور حفلات بترضي جميع الأذواق، زي موسيقى الجاز مانوش، إليكترو، الموسيقى الكلاسيكية، وموسيقى الهيب هوب.
ده غير عروض الأفلام زي فيلم “موجات فرنسية” للمخرج جوليان ستارك، وفيلم “دجانجو”، والجميل إن الأفلام هتكون مُترجمة للغة العربية.
علشان تعرفوا كل الأنشطة والحفلات وعروض الأفلام اللي هيقدمها لكم المعهد الفرنسي في مصر، بالمواعيد والتفاصيل، ادخلوا على الأجندة من هنا.
وأخيرًا.. المعهد في المنيرة، وأقرب محطة مترو هي السيدة زينب.