The Definitive Guide to Living in the Capital , Cairo , Egypt

لو أنت من رواد وسط البلد، أكيد عارف شوارع كتيرة فيها، متسمية على أسامي شخصيات مشهورة أو قصر قديم أو غيرها. لكن ممكن ماتكونش عارف سبب التسمية دي إيه. وده اللي بيشتغل عليه دلوقتي جهاز التنسيق الحضاري في مشروع “حكاية شارع”.

وحسب ما نشر “اليوم السابع”، المشروع بتشتغل عليه اللجنة القومية لتطوير وحماية القاهرة التراثية، برئاسة المهندس إبراهيم محلب. وفكرته بتقوم على وضع لوحة تعريفية مقاس 50×70 على كل شارع، متثبتة على عمود بطول 3 متر. عليها اسم الشارع، ونبذة عن سبب التسمية. وده هدفه تعريف الأجيال الجديدة بتاريخنا. بما إن معظم شوارع القاهرة مليانة حكايات ونوادر مختلفة.

المرحلة الأولي من المشروع بتضم الشوارع اللي اتسمت على أسامي شخصايت مؤثرة زي: شارع عبد الخالق ثروت – طلعت حرب – شامبليون – ميريت باشا – عدلي – الألفي – صبري أبو علم وغيرهم.