The Definitive Guide to Living in the Capital , Cairo , Egypt

الحياة في كايرو

حكاية فندق خمس نجوم في القاهرة مخصص للكلاب والقطط وبس! (صور)

فنادق للحيوانات الأليفة فندق 60 ستور فندق للقطط فندق للكلاب
حكاية فندق خمس نجوم في القاهرة مخصص للكلاب والقطط وبس! (صور)
بواسطة
Mohamed Talaat

الصور من الصفحة الرسمية للفندق على فيسبوك.

القاهرة عاصمة مدهشة، فيها كل حاجة ممكن تتوقعها، ومن الحاجات الموجودة في العاصمة المصرية، فنادق الحيوانات، وأشهرها هو فندق 60 ستور، اللي هنكلمكم عنه أكتر في السطور الجاية.

فندق  60 ستور موجود في مدينة نصر، وهو فندق فخم للكلاب والقطط، وبيوفر الفندق خدمات كتيرة لنزلائه، يمكن أبرزها هو وجود حمام سباحة علشان حيوانك الأليف يستمتع بوقته في المكان.

كمان الفندق بيوفر سيارات مخصصة لنقل الكلاب من وإلى الفندق، بالإضافة لوجبات تحت إشراف طبي.

الفندق فيه أماكن منفصلة مجهزة لنوم الحيوانات.

إيه تفاصيل الإقامة في فندق 60 ستور للكلاب والقطط؟

إقامة حيوانك الأليف في الفندق بتشمل رعاية طبية شاملة، وجانب ترفيهي سواء جري أو لعب أو مشي. وبالنسبة للأكل، الفندق بيوفر للحيوانات نوعين من الوجبات، أكل جاف، وأكل طازج.

وبالنسبة للجانب الترفيهي، بيوفر الفندق للكلاب والقطط عملية خروج ٤ مرات في اليوم، علشان الحيوان يجري ويلعب وكل مرة بتكون من ٢٠ إلى ٣٠ دقيق، ومرة واحدة يتمشى فيها الحيوان مسافة ٧٠٠ متر.

وبعد انتهاء الإقامة في الفندق بيتم عمل شاور وتهذيب لفروه بشكل كامل.

إيه شروط إقامة الحيوانات في الفندق؟

إدارة الفندق حاطة شوية شروط لإقامة أي حيوان أليف، منها أن لايقل عمره عن 6 أشهر، ومروره بالكشف الطبي الشامل من خلال أطباء المركز قبل دخوله، والتأكد من صحة وسلامة الحيوان وخلوه من أي أمراض معدية سواء( فيروسية – معوية – تنفسية – جلدية) أوغيرها من الأمراض، ولازم كمان يتم إحضار شهادة التطعيمات الخاصة بكل حيوان عند الدخول.

عنوان الفندق: أرض الخيل، بوابة ٤، نادي الفروسية، أمام بوابة النادي الأهلي، مدينة نصر.

تليفون: 01093729333

مقترح