The Definitive Guide to Living in the Capital , Cairo , Egypt

كل يوم بتظهر في بلدنا أفكار شبابية تستحق التقدير والاحترام، ومن الأفكار دي موقع خد كورس، اللي نقدر نعتبره دليل بيوفر لكم أفضل الأماكن اللي بتقدم تدريبات وورش في أهم المجالات في القاهرة. خصوصًا اللي بتوفر لكم شهادات معتمدة، ومن خلال الموقع تقدروا تعرفوا تفاصيل الكورسات فى المراكز القريبة منكم أو الإيفنتات اللى ممكن تبقى مفيدة لكم فى مجال شغلكم أو دراستكم.

الموقع المهم ده خرج من عقل الشاب المصري محمد وزوجته إنجي، وهدفهم الأساسي من فكرتهم هو خدمة المجتمع ومساعدة كل الناس اللي بتدور على مكان محترف بيقدم دورات وورش.

لما تدخل على الموقع هتلاقي كورسات وورش عمل فى مجالات كتير، زي اللغة، وإدارة الأعمال، والميديا، والفن، والفاشون، والموسيقى، والسواقة، والطبخ، والجرافيك.. وغيرها.

الموقع بيتميز بشكله البسيط والسهل، ومن الصفحة الرئيسية تقدر تدوروا على الكورس من خلال المنطقة أو مجال التخصص، ولما تسجلوا بياناتكم وتختاروا الكورس اللى بتدوروا عليه والمنطقة هييجى لكم Notification على الموقع أول ما ينزل.

محمد هو اللى عامل تصميم الموقع والسوشيال ميديا، وإنجي هي المسئولة عن المحتوى وعمل الحوارات الصحفية.

تقدروا تتعرفوا أكتر على الموقع وفكرته من هنا

وممكن كمان تشتركوا في صفحتهم من هنا