خطة جديدة لتطوير برج القاهرة… اعرفوا تفاصيلها من هنا
برج القاهرة برج ذكي تذاكر أونلاين تطوير البرج خطة تطوير مركز تسوق منافسة عالمية
Cairo 360
مين مارحش برج القاهرة وحب أنه يشوف القاهرة من فوق؟ كتير مننا عمل كده، ورغم إن المكان ده مميز جدًا لكن ما كنش بيتم استغلاله سياحيًا بالطريقة الصحيحة، لكن مؤخرًا الحكومة المصرية أعلنت عن خطة طموحة لتطوير المكان المهم ده.. إيه تفاصيلها؟ الإجابة في السطور الجاية.
بحسب بيان رسمي لإدارة برج القاهرة خطة تطوير البرج هدفها استخدام التكنولوجيا في أغلب تفاصيله ومنها استخدام التقنيات الحديثة فى الحجز أونلاين من أى مكان فى العالم مع معرفة الحاجز لدوره رقميًا وتوقيت الزيارة.
ده غير أنهم هيوفروا إضاءة لبرج القاهرة بأحدث التقنيات (الإضاءة التفاعلية) اللى هتخلي شكله أحلى وجذاب أكتر.
برضه الزائرين لما يطلعوا البرج هيكون عبارة عن مغامرة جذابة لأن أرضية المصعد هتتحول لشاشة عرض ثلاثية الأبعاد بيختلف فيها المحتوى كل شوية.
أما لو راحوا عند بانوراما القاهرة الزوار هيشوفوا من خلال استخدام المنظار الافتراضى مناطق ومعالم القاهرة كاملة.
كمان هيتم بجانب البرج إنشاء حديقة حيوان افتراضية بالبعد الثالث لمختلف الحيوانات المنقرضة والزائر هيقدر يتفاعل مع الحيوانات دي ويلعب معاهم ويلتقط الصور التذكارية. زي اللي في الفيديو ده:
كمان هيعملوا أول مسرح هولوجرامى تفاعلى فى الشرق الأوسط في واحدة من قاعات البرج، غير مركز للتسوق هيحتوي على منتجات سياحية تراثية مصرية.
نتمنى يتم تنفيذ الخطة دي فعلًا قريب.. وما تكونش مجرد حبر على ورق.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
