The Definitive Guide to Living in the Capital , Cairo , Egypt

الحياة في القاهرة بتتطلب قدر كبير جدًا من الصبر، وقدر أكبر شويتين من المعرفة، لو الحاجتين دول موجودين ده هيسهل عليك حياتك في العاصمة.

والمعرفة هنا المقصود بها المعرفة الخاصة بأهدافك جوه العاصمة وإزاي توصل لها بأسهل وأسرع طريق.. ولأن مش كلنا اجتماعيين بنفس الدرجة ومش بنمتلك شبكة علاقات بنفس الاتساع، فمش دايمًا هيبقى متاح لينا أننا نسأل صديق، وهنحتاج وقتها لحاجة تانية نقدر نعتمد عليها، وأحد البدائل المتاحة للاعتماد عليها بقوة هي تطبيقات الهواتف الذكية، وإحنا هنا جمعنا لك مجموعة تطبيقات ممكن تسهل عليك شوية حياتك اليومية في القاهرة.

 كايرو مترو – Cairo Metro

كل اللي محتاج تعرفه عن مترو القاهرة هتلاقيه في برنامج واحد، تطبيق  Cairo Metro بيقدم لك العديد من الخصائص التي هتخليك تقدر تستخدام المترو بسهولة، مثلًا تقدر تختار محطة الركوب ومحطة النزول، وهيقوم التطبيق بتحديد خط السير وعدد المحطات اللي هتمر بيها والوقت المتوقع للوصول.

كمان التطبيق بيوفر لك إمكانية تحديد أقرب محطه مترو قريبة منك من خلال استخدام الـ GPS

لتحميل التطبيق اضغط هنا

بيقولك – Bey2ollak

القاهرة بقت مرتبطة في أذهان الجميع بالزحمة، يعني أول ما تسمع كلمة القاهرة ييجي في بالنا طريق متعطل ولا كوبري واقف! تطبيق “بيقولك” من التطبيقات اللي وجودها أصبح ضروري جدًا، ونقدر نعتبره سلاح مثالي لمحاربة زحام العاصمة.. الأبلكيشن معتمد على بلاغات المستخدمين عن الطرق اللي بيمشوا فيها في وقتها.. وبناءً على مجموع البلاغات دي بتتحدد حالة الطريق إذا كان ماشي وللا نص نص وللا واقف خالص.. وده هيفيدك في أنك تتفادى مشكلة الزحام قدر الإمكان.

لتحميل التطبيق اضغط هنا

أوبر – Uber

التطبيق الأشهر حاليًا في القاهرة، وده تطبيق بيحاول يوفرلك بديل جيد وموفر وآمن ومريح عن المواصلات العامة أو حتى التاكسي، الميزة دايمًا بتكون في كذا حاجة: التكلفة بتكون أقل نسبيًا من التاكسي العادي، والطلب بيجيلك في المكان اللي أنت عايزه يعني أنت مش مضطر تطلع في حتة معينة علشان توصل لمكان ملائم تركب منه، والميزة المهمة أنه بيوصل لأماكن غالبًا مش هتلاقي حد يحب يروحها ولا يوصل لها إما لأنها بعيدة أو لأنها نائية أو لأنها زحمة.

لتحميل التطبيق اضغط هنا

“Yellow Pages Egypt”

النسخة المصرية من دليل الـ Yellow pages اللي هتديك فرصة لمعرفة كل التفاصيل عن كل جهات الخدمات الخاصة والعامة وأماكن تواجدها.

لتحميل التطبيق اضغط هنا

 وأخيرًا..

التطبيق اللي لازم يكون على جهاز كل مواطن في القاهرة، وهو كايرو 360، أيوة تطبيقنا إحنا! اللي هتلاقي عليه كل موضوعاتنا الجديدة اللي هتخلي حياتك في القاهرة أسهل بكتير.

التطبيق مجاني، ومليان أفكار حلوة هنسيبك تكتشفها بنفسك.

لتحميل التطبيق اضغط هنا

وبس ياسيدي..

يدوم تعاملك أذكي، وتدوم حياتك أسهل.