The Definitive Guide to Living in the Capital , Cairo , Egypt

الحياة في كايرو

دلع نفسك في العيد.. أحلى أماكن في القاهرة بتعمل آيس كريم

آيس كريم أفضل محلات ىيس كريم في القاهرة خروجة العيد عيد الفطر 2022 فسحة عيد الفطر
دلع نفسك في العيد.. أحلى أماكن في القاهرة بتعمل آيس كريم
بواسطة
Mohamed Talaat

علشان خروجة العيد تبقى أحلى لازم يكون فيها حاجة مميزة، والمميز في عيد الفطر 2022 أنكم تخططوا ضمن خروجاتكم لأكلة آيس كريم حلوة، والقاهرة فيها أماكن عندها أجمل آيس كريم، وعلشان كده خلال السطور الجاية هنقول لكم على 5 أماكن تاكلوا من عندهم آيس كريم مايتنسيش في العيد.

Penguin Ice Cream

الآيس كريم عندهم مميز وحلو ورغم أنه موجود في زهراء المعادي إلا أن جمهوره بيكون من كل حتة في القاهرة، وعندهم افتكاسات كتير في الآيس كريم سواء الرول أو العادي.

تقدروا تعرفوا أكتر عنهم من خلال صفحة الفيسبوك من هنا.

Sultana Ice Cream

رغم أن بداية شهرته كانت في الإسكندرية، إلا أنه بقى له مكانة مميزة في مصر كلها، وله أكتر من فرع في القاهرة، وده علشان جودة الآيس كريم والتورت بتاعته والسعر المناسب.

تقدروا تعرفوا أكتر عنهم من خلال صفحة الفيسبوك من هنا.

Aboullaban

أصله سوري وتم افتتاح أول فرع له سنة 1892، والآيس كريم بتاعه تحفة رغم أن سعره عالي شوية، ولكن الجودة بتاعته هتنسيكم السعر.

تقدروا تعرفوا أكتر عنه من خلال صفحة الفيسبوك من هنا.

Koueider

إحنا ممكن نسميه بابا الآيس كريم في القاهرة، علشان بيعمل آيس كريم تحفة وخدمتهم ممتازة، والأكيد أنكم مش هتخرجوا من عندهم إلا وأنتم مبسوطين.

تقدروا تعرفوا أكتر عنهم من خلال صفحة الفيسبوك من هنا.

Cold Stone

أوعى وشك في الآيس كريم، علشان بدل الواحدة هتاكلوا اتنين، وأكيد مش هتندموا لما يكون من ضمن خطة العيد عندكم تاكلوا الآيس كريم من عندهم.

تقدروا تعرفوا أكتر عنهم من خلال صفحة الفيسبوك من هنا.

مقترح