Mohammed Sabry
الحيوانات كائنات جميلة ولطيفة. وجودها في حياتنا مش بس للتسلية واللعب، دي بتكون مهمة وأساسية في حياة البعض مننا، خصوصًا الناس الانطوائية. أو استخدامها في حماية الممتلكات.
وزي البشر بالظبط، الحيوانات دي بتحتاج للرعاية والاهتمام. حتى حيوانات الشوارع. علشان كده في السطور اللي جاية، جبنا لكم أهم مؤسسات رعاية الحيوانات في القاهرة. اللي من خلالها تقدروا تساعدوا الحيوانات دي:
SPARE
جمعية حماية حقوق الحيوان في مصر. اتأسست سنة 2001، وكانت أول منظمة مصرية غير هادفة للربح، لحماية الحيوانات. ودي صفحتهم على فيسبوك.
TNR المعادي
دي مبادرة لتعقيم الحيوانات، والبحث عن الحيوانات المفقودة. المبادرة دي بيقوم بها مجموعة من سكان المعادي، واللي هدفهم تقليل عدد الحيوانات المفقودة. وكمان تقدر تدفعلهم علشان تعقيم حيواناتك. ودي صفحتهم على فيسبوك.
ESMA
الجمعية المصرية للرحمة بالحيوان. اتأسست سنة 2007، وبتوفر الرعاية للحيوانات في القاهرة والمناطق المحيطة. وده بيشمل القطط، الكلاب، القرود، الخيول، كل حيوانات حديقة حيوانات الجيزة، ومحلات بيع الحيوانات. ودي صفحتهم على فيسبوك.
CART
الجمعية المصرية لإنقاذ الحيوان. الجمعية بتقوم بإنقاذ وحماية الحيوانات. وكمان بتعمل حملات توعية لرعايتهم. ودي صفحتهم على فيسبوك.
Unleashed
منظمة غير هادفة للربح بتوفر الحماية والرعاية للكلاب الضالة. وبتساعد كلاب الشوارع اللي مالهاش مأوى. عندهم أكتر من 50 كلب حاليًا تحت رعايتهم. ودي صفحتهم على فيسبوك.
ESAF
الجمعية المصرية لأصدقاء الحيوان. ودي بتقوم بمهمات مختلفة، منها توفير ملاجيء لحيوانات الشوارع. أو تعقيم الحيوانات للحد تزايد أعدادها. وطبعًا علاج الحيوانات اللي محتاجة رعاية طبية. ودي صفحتهم على فيسبوك.
HOPE
فريق الإنقاذ البلدي المصري وإعادة التأهيل. دي منظمة غير هادفة للربح، بتوفر خدمات الإنقاذ والرعاية الطبية للحيوانات. وكمان إعادة تأهيلها من جديد. ودي صفحتهم على فيسبوك.
APF
مؤسسة حماية الحيوان، مؤسسة خيرية غير هادفة للربح. اتأسست في أبريل 2014، وبتشتغل على تحسين حياة الحيوانات اللي من غير مأوى. ده غير حمايتها من المعاملات السيئة بكل أشكالها. ودي صفحتهم على فيسبوك.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
