The Definitive Guide to Living in the Capital , Cairo , Egypt

معروف أن كل اللي معاهم سيارات معرضين لمواقف مفاجئة على الطريق، وكتير منهم بيعانوا في العثور على ونش إنقاذ قريب علشان يساعده، ده غير الاستغلال في الطرق الصعبة وغير المأهولة، وكمان بهدلة العربية لعدم الحرفية من الشخص اللي بيساعدكم. مؤخرًا ظهرت خدمة جديدة في القاهرة، هدفها تنقذكم وتنقذ عربياتكم في أي وقت، وهي خدمة Helpoo اللي بتوفر خط ساخن وتطبيقات إلكترونية علشان تقدروا تطلبوا مساعدتهم في أي وقت.

في السطور الجاية هنجاوبكم على كل الأسئلة اللي ممكن تخطر على بالكم للخدمة الحديثة.

Helpoo بتقدم خدمات المساعدة على الطريق 24/7، وده من خلال الاتصال بالخط الساخن أو من خلال التطبيق الإلكتروني، وبتقول الشركة إنها بتوفر فرق خبيرة للمساعدة باستخدام أحدث التقنيات اللي بيضمنوا بيها خدمة سريعة وفعالة، وبيعتمدوا في رؤيتهم على أنهم عاوزين يكونوا رائد خدمة المساعدة على الطرق وتسهيل حياة ركاب السيارات، ومهمتهم أنهم يوفروا كل المساعدة الممكنة في حالة الأعطال في أي وقت وأي مكان.

طبقًا لأحدث تقرير للشركة فأنهم نفذوا 20 ألف طلب خدمة سواء سحب سارات أو نقلها أو حتى تغيير الكاوتشات للعربية، ووصلت نسبة رضاء العملاء إلى 98%، ودي نسبة كبيرة الحقيقة توضح أن التطبيق مهم يكون على موبايلاتكم، وتقدروا تطلبوا الخدمة في حالة وجود مشكلة معاكم من خلال رقمهم الساخن أو التطبيق الخاص بيهم.

كل اللي عليكم أنكم هتدخلوا التطبيق وتسجلوا وهتصوروا المشكلة وتبعتوا فويس توصفوا اللي حصل وبيجيلكم حد بعد تحديد المشكلة للمساعدة، ومش بس كده كمان لو أنتم عندكم تأمين على العربية التطبيق تلقائي بيبعت لشركة التأمين تحليل للمشكلة والأعطال علشان لما تطالبوا بحقكم في التغطية التأمينية يبقى الموضوع سهل.

التطبيق بيوفر ميزة تتبع رحلة سيارتكم لو هتتنقل أو هيتم سحبها، وده علشان الأمان والاطمئنان، وكمان من وقت استلام الشركة لها هي تحت التأمين الإجباري الكامل في حالة أي حوادث لا قدر الله.

تقدروا تتصلوا بالخط الساخن الخاص بيهم 17000.

ولو انتوا من مستخدمي iOS تقدروا تحملوا التطبيق من هنا.

ولمستخدمي أجهزة Android تقدروا تحملوا التطبيق من هنا.