دليلك لمواعيد عمل المترو والبنوك والمطاعم والكافيهات في رمضان 2022
رمضان 2022 مواعيد البنوك في رمضان مواعيد الكافيهات في رمضان مواعيد المترو في رمضان مواعيد المطاعم في رمضان
Mohamed Talaat
كل سنة وأنتم طبيبن ورمضان كريم يا أهل القاهرة! أيام قليلة ويهل علينا شهر رمضان الكريم، شهر الخير والبركة والصيام. وبالمناسبة دي هنعرفكم على مواعيد مترو الأنفاق والبنوك والمطاعم والكافيهات السياحية طوال أيام رمضان.. جاهزين؟
مواعيد البنوك
أعلن البنك المركزي المصري عن مواعيد عمل البنوك العاملة بالقطاع المصرفي خلال شهر رمضان المبارك، واللي هتكون بالنسبة للموظفين داخل البنوك من الساعة 9 صباحًا ولحد الساعة 2 بعد الظهر.
أما بالنسبة للجمهور، فهتبدأ ساعات العمل من الساعة 9.30 صباحًا لحد الساعة 1.30 بعد الظهر.
مواعيد مترو الأنفاق
وبالنسبة لمترو أنفاق القاهرة، فهيتم مد ساعات تشغيل قطارات الخطوط الثلاثة طوال أيام شهر رمضان وحتى نهاية إجازة عيد الفطر المبارك، بحيث تنتهي ساعات التشغيل اليومي الساعة 2 صباحًا بدل 1 صباحًا، وهتوصل ساعات التشغيل للمترو في رمضان لـ 21 ساعة يوميًا.
وهيبدأ العمل في المترو في رمضان في كل خط من الخطوط الثلاثة من الساعة 5.30 صباحًا.
وهتشتغل شبابيك الاشتراكات بالمحطات خلال رمضان يوميًا ابتداء من الساعة 7 صباحًا وحتى الساعة 3 عصرًا.
مواعيد المطاعم والكافيهات السياحية
وأصدر الدكتور خالد العناني وزير السياحة والآثار، قرار وزاري بتحديد مواعيد عمل المطاعم والكافتيريات المرخصة سياحياً خلال شهر رمضان المبارك.
وبحسب بيان رسمي، هتكون مواعيد فتح المطاعم والكافتيريات، يوميًا من الساعة 5 صباحًا وهتُغلق الساعة 2 صباحًا، وده اعتبارًا من يوم الجمعة الموافق ١ أبريل القادم وحتى نهاية إجازة عيد الفطر المبارك.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
