دليلك لويك إند سعيد: أجمد الحفلات اللي ممكن تحضرها في القاهرة
Cairo 360
كل سنة وأنتم طيبين بمناسبة الكريسماس والسنة الجديدة، وطبعًا الاحتفالات السنة دي مختلفة، وده مش معناه أنكم برضه لو مش هتسافروا وتجربوا حاجة جديدة أنكم ما تنبسطوش هنا في القاهرة.
نبدأ بالنهارده يوم الخميس، وحفل الفنان يحيى خليل على المسرح الصغير في دار الأوبرا المصرية، وسعر التذكرة 100 جنيه.
كمان فرقة نوبانور هتقدم حفلة غنائية على مسرح الضمة. سعر التذكرة: 30 جنيه
برضه فرقة تكسير شرقي هتقدم لكم حفلة غنائية في رووم آرت سبيس. سعر التذكرة: 50 جنيه.
أما لمحبي الإنشاد فأخر حفلة في 2017 للفنان علي الهلباوي في قاعة النهر في ساقية عبد المنعم الصاوي، وسعر التذكرة 50 جنيه.
وننتقل ليوم الجمعة، وقعدة غنا مع داليا يونس، وهي فكرة جديدة لحفلة بيغني فيها المدعويين والمغني في مركز “ونس”، وداليا يونس حبت إنها توفر مساحة آمنة لأي حد عاوز يغني وخايف، وهيكون فيه حبة دردشة عن المزيكا.
كمان في مجنوليا هتلاقوا عرض بانتومايم للفنان مصطفى حزين، وفرقة ملامح . سعر التذكرة: 50 جنيه.
أما حفل الفنان هشام خرما في قاعة الحكمة فهيكون في ساقية عبد المنعم الصاوي.
برضه فيه حفل فرقة المولوية المصرية في قاعة النهر في ساقية عبد المنعم الصاوي، وسعر التذكرة 45 جنيه لأعضاء الساقية و50 جنيه لغير الأعضاء.
ونختم بيوم السبت، وحفل رأس السنة مع الشاعر هشام الجخ في قاعة النهر في ساقية عبد المنعم الصاوي، وأسعار التذاكر مختلفة، أسعار الكراسي : 150 – 125 – 100 وسعر الوقوف : 50.
كمان فيه حفل عيد الميلاد مع أغاني كارتون والت ديزني واللي هيقدمها محمد حلمي، على المسرح الصغير في دار الأوبرا المصرية، وسعر التذكرة 100 جنيه. وهيكون فيه حفلتين، حفلى الساعة 3 وحفلة الساعة 8 مساءً.
ولمحبي الباليه فيه عرض باليه كسارة البندق في المسرح الكبير في دار الأوبرا المصرية، والعرض ستقدمه فرقة وأوركسترا أوبرا القاهرة.
وعشاق الفن يستعدوا لمعرض مختلف في بيكاسو آرت جاليري واللي مستضيف معرض “ألحان ملونة”، للفنان عفت حسني.
لو عاوزين تعرفوا أكثر عن حفلات رأس السنة والأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
