دليلك لويك إند سعيد: أجمد الحفلات اللي هتحصل في القاهرة
Cairo 360
أسبوع من الشغل مع درجة حرارة عالية! أكيد كلنا عاوزين نفصل.. تعالوا نشوف أجندة كايرو 360 فيها إيه من أنشطة وحفلات في الويك إند ده.
نبدأ بيوم الخميس، وفرقة نوبانور هتحيي حفلة على مسرح الضمة في عابدين. وسعر التذكرة: 30 جنيه.
كمان فيه حفل فرقة المولوية المصرية في ساقية عبد المنعم الصاوي في قاعة النهر، وسعر التذكرة 45 جنيه لأعضاء الساقية و50جنيه لغير الأعضاء.
ولمحبي المسرح فرقة مكرونة المسرحية، هتقدم عرض إعادة التمثيل في مجنوليا. سعر التذكرة: 40 جنيه.
أما في مساحة رووم في جاردن سيتي، هتستضيف مشروع شيرين عبده. وسعر التذكرة: 50 جنيه.
وننتقل ليوم الجمعة، واللي هتستمتعوا فيه بحفل خاص للفنانة مي عبد العزيز، واللي هتحيي حفلة غنائية في باب 18، في مصر الجديدة.
كمان هتلاقوا من ضمن فعاليات المهرجان الصيفي في الأوبرا المصرية حفل الفنان “أحمد جمال” على المسرح المكشوف، وسعر التذكرة 75 جنيه.
لمحبي الأفلام الكارتون المختلفة بلكون هليوبوليس في مصر الجديدة، هتعرض فيلم “My Life as a Zucchini”. سعر التذكرة: 25 جنيه.
ونختم بيوم السبت واللي هيتمتع فيه عشاق موسيقى الجاز بحفل ثلاثي رامي عطالله للجاز، واللي هيقدموا حفلة موسيقية في رووم آرت سبيس. وسعر التذكرة: 50 جنيه.
كمان فرقة “الورطة” هتقدم العرض المسرحي “ايه هيودينا فين”، علي مسرح الهوسابير في وسط البلد. سعر التذكرة: 25 جنيه.
أما في مركز دارك هيعرض الفيلم الحاصل على جائزة الأوسكار “Room” واللي أكيد هيعجب عشاق أفلام الإثارة والدراما.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
