دليلك لويك إند سعيد: أجمد الحفلات والخروجات المختلفة في القاهرة
Cairo 360
مافيش يوم بيشبه اليوم اللي قبله لكن فيه ناس مش بتعرف تشوف الجميل والمختلف في يومها، وده اللي بنحاول نوفره من خلال أجندتنا الثقافية اللي بنعرض فيها كل الحفلات والأنشطة الثقافية اللي ممكن تعلمكم حاجة جديدة.
نبدأ بالنهارده يوم الخميس، وحفل المولوية المصرية بقيادة الفنان عامر التوني على مسرح الجمهورية، وأسعار التذاكر 50-75.
كمان فرقة آرتي نوب هتحيي حفلة غنائية بالأغاني النوبية في رووم. وسعر التذكرة: 50 جنيه.
أما فرقة الوزيري الاسمعلاوية فهتقدم حفلة غنائية على مسرح الضمة. وسعر التذكرة: 30 جنيه.
برضه مركز بيت الصورة في المعادي، هيستضيف معرض “أسلاك شائكة”، للفنان رائد عصفور.
وننتقل ليوم الجمعة، وحفل الفنان مصطفى رزق في ساقية عبد المنعم الصاوي في قاعة الحكمة، وسعر التذكرة 50 جنيه.
أما لو عاوز تجرب حاجة جديدة فالمصور حسام عباس عامل رحلة تعليم تصوير الحياة البرية، والطبيعة وتصوير المدينة. في أفريكا بارك وإسكندرية.
برضه جرامافون في المعادي هتستضيف فرقة “كروما باند”. وسعر التذكرة: 50 جنيه.
ونختم بيوم السبت، وفرقة دعسوقة هتحيي حفلة غنائية، في رووم آرت سبيس في جاردن سيتي. وسعر التذكرة: 50 جنيه.
أما مركز مدرار في المعادي، فهيستضيف معرض “بيت أخضر”. للفنان مروان الجمل.
برضه في حفل لفرقة بهججة في قاعة الحكمة في ساقية عبد المنعم الصاوي، وسعر التذكرة 40 جنيه.
كمان فيه مسرحية Mozart’s Die Zauberflöte في دار الأوبرا المصرية، وسعر التذكرة 100 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
