The Definitive Guide to Living in the Capital , Cairo , Egypt

كل أسبوع بنحاول نوفر لكم أفضل الخروجات والأنشطة الفنية والثقافية اللي تخرجكم من الروتين والملل وتعب الأسبوع، علشان تغيروا الموود وتستمتعوا بالويك إند.

نبدأ بالنهارده الخميس، وحفل مختلف لفرقة سرور وفرقة قرار إزالة على مسرح الحكمة بساقية عبد المنعم الصاوي، وسعر التذكرة 50 جنيه.

أما لو عاوز تغير مودك بجد وتستمتع بفن راقي ففيه حفلات غناء أوبرالي على مسرح النهر بساقية عبد المنعم الصاوي، باسم فابريكا، الجميلة والوحش، والبؤساء، وسعر التذكرة 60 جنيه.

أما في رووم آرت سبيس فهتلاقوا  ليلة موسيقية متميزة جدًا مع فرقة استبينا. وسعر التذكرة: 50 جنيه.

كمان فرقة دراويش أبو الغيط هتقدم عرض الزار والموسيقى الصوفية، على مسرح الضمة في عابدين. وسعر التذكرة: 40 جنيه.

وننتقل ليوم الجمعة، وحفل بيانو للفنان ضياء خير الله على مسرح الحكمة في ساقية عبد المنعم الصاوي، وسعر التذكرة من 60 لـ 70 جنيه.

أما فرقة دعسوقة فهتقدم حفلة غنائية في رووم آرت سبيس. وسعر التذكرة: 50 جنيه.

وفي رووم كمان، فيه حفلة غنائية لفريق كود مصر والميناء. سعر التذكرة: 80 – 100 جنيه.

برضه  هتلاقوا سعد أوزيل والفرقة، هيقدموا حفلة غنائية في دا هاوس.

ونختم بيوم السبت، وحفل مسرح عرائس الساقية هيقدم حفل مختلف للفنان فريد الأطرش مع أغانيه على مسرح الحكمة بساقية عبد المنعم الصاوي، وسعر التذكرة 25 جنيه.

أما  مساحة باب 18 فهتستضيف حفلة موسيقية لسيزار مورا. وسعر التذكرة: 100 جنيه.

كمان ندى أيوب هتقدم مجموعة من أغانيها في حفلة هتكون في رووم آرت سبيس. سعر التذكرة: 50 جنيه.

وفي ييلو أمبريلا في المعادي هيكون فيه باربيكيو، مع حفلة لآدم محمد ومي عمرو.

لو عاوزين تعرفوا أكتر عن الأحداث اللي بننشرها كل يوم على مدار الشهر تابعوا أجندتنا.

ويك إند سعيد!