Cairo 360
استمتع بكل يوم في حياتك، وحاول تستفيد وتستمتع بيه على قد ما تقدر وتعبر للناس اللي أنت بتحبهم عن حبك وامتنانك لوجودهم في حياتك. ممكن تعمل ده بهدية جميلة أو عزومة على حفلة حلوة، وهتعرف منين الحفلات الحلوة؟ طبعًا من دليل كايرو 360.
ونبدأ بالنهارده يوم الخميس، ومكان هتستضيف حفلة موسيقية لفريق “Flamecna Cairo”. وسعر التذكرة: 40 جنيه.
اما عشاق الفنون الهندية ففيه مهرجان الهند على ضفاف النيل مع أمجد علي خان في معهد الموسيقى العربية.
وبمناسبة اليوم العالمي للمرأة فيه ورشة باسم “تفاعلوا ضد التحرش” واللي هتقدمها الناشطة النسوية هادية عبد الفتاح، وهيتم تعليم 5 حركات دفاعية في أخر الندوة.
أما لمحبي الإنشاد الديني ففيه حفل الإخوة أبو شعر على مسرح النهر في ساقية عبد المنعم الصاوي، وسعر التذكرة 65 جنيه.
وننتقل ليوم الجمعة، ورباعي نهى فكري للجاز هيقدموا حفلة غنائية في رووم آرت سبيس. وسعر التذكرة: 80 – 100 جنيه.
أما سينما الزمالك فهتعرض فيلم Phantom Thread. وسعر التذكرة: 75 – 100 جنيه.
ولعشاق الإنشاد فيه حفل فرقة المرعشلي على مسرح الحكمة في ساقية عبد المنعم الصاوي، وسعر التذكرة 35 جنيه.
كمان فريق Paranoid Eyes هيقدم حفلة غنائية في رووم آرت سبيس. وسعر التذكرة: 50 جنيه.
ونختم بيوم السبت، وبداية مختلفة مع معرض الزهور بحديقة الأورمان في الجيزة. والدخول مجاني.
كمان فيه حفل الفنان علي الحجار على مسرح النهر في ساقية عبد المنعم الصاوي، وسعر التذكرة يبدأ من 80 جنيه.
برضه سينما الزمالك هتعرض فيلم Molly’s Game. وسعر التذكرة: 75 – 100 جنيه.
أما لو عاوزين تتعلموا حاجة جديدة فتقدروا تتعلموا المهارات الأساسية لصناعة الفخار، مع ورشة اليوم الواحد للفخار. في درب 1718. وسعر التذكرة: 150 جنيه.
لو عاويزن تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
