دليلك لويك إند سعيد: أجمل الحفلات الفنية وعروض الأفلام وكمان لعب وتسالي
Cairo 360
الويك إند ده هو متعة كل أسبوع، اللي بنعد أيام الأسبوع لحد ما نوصلها. يلا نشوف هنقضي الويك إند إزاي وفين:
نبدأ من النهارده الخميس، وحفلة هيحييها فريق “هستيريا“، على مسرح النهر في ساقية الصاوي. اللي هيقدم فيها كل أغاني سبيس تون وأغاني الطفولة. الحفلة هتبدأ الساعة 10 مساءً. وسعر التذكرة: 40 جنيه.
صالون دار الحكمة في نقابة الأطباء، هيعرض فيلم “The Wave“. واللي بيدور عن تجربة مدرس مع الطلبة، بتوضح شكل الحياة في النظام الديكتاتوري. العرض هيبدأ الساعة 6 مساءً. والدخول مجانًا.
ليلة عزف على الكمان هيحييها الفنان “محمد سامي“، في رووم آرت سبيس في جاردن سيتي. الحفلة هتبدأ الساعة 9 مساءً. وسعر التذكرة: 50 جنيه.
نروح ليوم الجمعة، وحفلة غنائية مميزة للفنان “رابح صقر“، في فندق فور سيزونز نايل بلازا. الحفلة هتبدأ الساعة 11 مساء. وسعر التذكرة من 4000 لـ 9000 جنيه.
الفنانة “مي عبد العزيز” هتحيي حفلة غنائية، على مسرح الحكمة في ساقية الصاوي. الحفلة هتبدأ الساعة 8 مساءً. وسعر التذكرة: 50 جنيه.
أما بلكون هليوبوليس في مصر الجديدة، هيعرض فيلم “Hacksaw Ridge“. اللي بتدور أحداثة خلال الحرب العالمية الثانية، عن المسعف “ديزموند” اللي رفض يمسك سلاح في الحرب. وقرر إنه يعالج الجرحى فقط. العرض هيبدأ الساعة 8 مساءً. وسعر التذكرة: 25 جنيه.
وكده وصلنا ليوم السبت، اللي هيكون فيه حفلة على مسرح الجنينة، هتحييها فرقتين: صفصافة وبهية. الحفلة هتبدأ الساعة 8:30 مساءً. وسعر التذكرة: 30 جنيه.
فريق “وصلة سماع” هيقدم حلة إنشاد ديني على مسرح الحكمة في ساقية الصاوي. الحفلة هتبدأ الساعة 9 مساءً. وسعر التذكرة: 30 جنيه.
ونروح لجرامافون في المعادي، وحفلة مخصصة لكل “ألعاب الحظ والتسالي“. علشان تلعبوا وتجربوا حظكم وتنبسطوا. الحفلة هتبدأ الساعة 6 مساءً. وسعر التذكرة: 60 جنيه.
ويك إند سعيد.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
