دليلك لويك إند سعيد: أحلى الحفلات في القاهرة من الخميس للسبت
أفلام الحضرة الرانجو الساقية حفلات حفلات الويك إند دعسوقة على الهلباوي فلامنكا كايرو مزيكا مسرح
Cairo 360
الحياة بتتعاش مرة واحدة، وتجاربك فيها كل ما بتزيد كل ما بتقدر تفهم حقيقتها أكثر، ولطبيعة الحياة السريعة في القاهرة ما بين الشغل أو الدراسة والإلتزامات ساعات كتيير مش بتلاقي وقت تقضيه مع نفسك أو تعمل الحاجة اللي بتحبها، ومن هنا حبينا نوفر عليك المشوار ونجمع لك أفضل الأحداث اللي هتخليك تفصل عن زحمة العالم وتقعد كام ساعة مع نفسك وتستمتع.
نبدأ بالنهارده يون الخميس، وفريق فلانمكا كايرو هيقدم حفلة غنائية في مركز درب 1718. وسعر التذكرة: 60 جنيه.
برضه فرقة الرانجو هتقدم حفلة غنائية على مسرح الضمة في عابدين. وسعر التذكرة: 40 جنيه.
كمان الفنان علي الهلباوي هيقدم حفلة غنائية في دار القوات الجوية. وسعر التذكرة: 60 جنيه.
أما لو عاوزين تجربوا حاجة جديدة ففريق سيلويت هيقدم العرض المسرحي الصامت إيكاروس في أوزيريس.
وننتقل ليوم الجمعة، وحفل فرقة الحضرة على مسرح الحكمة في ساقية عبد المنعم الصاوي، وسعر التذكرة 75 جنيه.
وفي رووم فريق الجيبسي جاز هيقدم حفلة غنائية. وسعر التذكرة: 75 جنيه.
ولو عاوز تتعلم حاجة جديدة تخص مجال التصوير فمركز إنفوكس في المعادي بيقدم كورس إضاءة مكثف لمدة 3 أيام.
ونختم بيوم السبت، وحفل الفنان وائل الفشني على مسرح الحكمة بساقية عبد المنعم الصاوي، وأسعار التذاكر بتبدأ من 60 جنيه.
برضه فريق دعسوقة هيقدم حفلة موسيقية في رووم. وسعر التذكرة: 75 جنيه.
أما لو عاوز تتعلم حاجة جديدة فمساحة TYT هتستضيف ورشة صناعة الأفلام، اللي بتقدمها فوتوسايت وسهلة للتدريب.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
