دليلك لويك إند سعيد: أحلى الحفلات والعروض الفنية في القاهرة
أم كلثوم تعود أوبرا حفلات خروجات رووم زاب ثروت ساقية سينما سينما زاوية علي قنديل مسرح مسرح الضمة مهرجان الموسيقى العربية هشام الجخ ويك إند سعيد
Cairo 360
كل أسبوع بنحاول نوفر لكم أفضل الأحداث اللي تخليكم تستمتعوا بأجازتكم وتقضوا ويك إند سعيد، يخرجكم من روتين الشغل.
نبدأ بالنهارده يوم الخميس، وحفلتين وراء بعض لعرض مسرح عرائس الساقية باسم أم كلثوم تعود من جديد على مسرح النهر بساقية عبد المنعم الصاوي، وسعر التذكرة 30 جنيه.
أما مسرح تياترو آفاق في رمسيس، فهيستضيف مسرحية بجماليون. وسعر التذكرة: 20 جنيه.
كمان رووم بتدعوكم لحفلة من مؤلفات علي عيسى مع ثلاثي علي عيسى. وسعر التذكرة: 75 جنيه.
برضه فرقة الطنبورة البورسعيدية هتقدم حفلة غنائية على مسرح الضمة. وسعر التذكرة: 40 جنيه.
وننتقل ليوم الجمعة، وحفل مهرجان ومؤتمر الموسيقى العربية السابع والعشرون واللي هيبدأ حفلاته على المسرح الكبير بدار الأوبرا المصرية، وأسعار التذاكر تبدأ من 300 جنيه. وهيكون في الحفل الفنانة لطيفة وسومة والفنان همام إبراهيم ووحيد ممدوح.
كمان فيه حفل شعري للفنان هشام الجخ على مسرح البروج على طريق مصر إسكندرية الصحراوي، وأسعار التذاكر تبدأ من 80 جنيه.
برضه هتلاقوا حفل فرقة الأخوة أبو شعر على مسرح قاعة النهر بساقية عبد المنعم الصاوي، وسعر التذكرة 50 جنيه.
أما فريق العرض الأفضل فهيقدم مسرحية الحب المحرِّر على مسرح الهوسابير. وسعر التذكرة: 75 جنيه.
ونختم بيوم السبت، وهتلاقوا في سينما زاوية عرض لفيلم آسف لأني غرقت.
كمان رووم بتدعوكم لسهرة جاز مع رامي عطا الله. وسعر التذكرة: 75 جنيه.
أما في الساقية فيه حفلتين ستاند أب كوميدي وراء بعض مع علي قنديل على مسرح الحكمة ، وسعر التذكرة 70 جنيه.
وكمان فيه حفل الفنان زاب ثروت وساري هاني على مسرح قاعة النهر في الساقية برضه، وسعر التذكرة 50 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
