The Definitive Guide to Living in the Capital , Cairo , Egypt

كل أسبوع بنحاول نوفر لكم أفضل الأحداث اللي تخليكم تستمتعوا بأجازة مميزة، والمرة دي الويك إند طويل، علشان كده هنعرفكم على أحلى الحفلات والأنشطة في القاهرة من الخميس للأحد.

ونبدأ بالنهارده الخميس، وحفل مسرح عرائس الساقية هيقدم حفلتين لعرض أم كلثوم تعود من جديد على مسرح قاعة الحكمة بساقية عبد المنعم الصاوي، عرض الساعة 6 وعرض الساعة 8، وسعر التذكرة 30 جنيه.

كمان فرقة الطنبورة البورسعيدية هتقدم حفلة غنائية على مسرح الضمة. وسعر التذكرة: 40 جنيه.

برضه فريق الدور الأول هيقدم حفلة غنائية في مركز درب 1718. وسعر التذكرة: 75 جنيه.

أما مكان فهيستضيف فرقة السيناتراس، اللي بتعزف أغاني فرانك سيناترا. وسعر التذكرة: 50 جنيه.

وننتقل ليوم الجمعة، وعرض كارمن وتانجو مع فرقة  باليه أوبرا القاهرة على المسرح الكبير بدار الأوبرا المصرية.

ولعشاق الإنشاد فيه حفل الشيخ والمنشد إيهاب يونس على مسرح قاعة الحكمة بساقية عبد المنعم الصاوي، وسعر التذكرة 50 جنيه.

كمان فريق دعسوقة هيقدم حفلة غنائية في مركز درب 1718. وسعر التذكرة: 75 جنيه.

أما في أوزيريس، فهتلاقوا ضمن برنامج ورش اليوم الواحد، ورشة التمثيل مع الفنان عمرو عبد الجليل.

ويوم السبت بقى، وحفل الفنانة وعد البحري على مسرح النهر بساقية عبد المنعم الصاوي، وسعر التذكرة 50 جنيه.

كمان مركز سيماتك هيعرض فيلم The Butcher Boy. وسعر التذكرة: 25 جنيه.

ولعشاق الأوبرا  فيه عرض أوبرا عايدة لفيردي وبث مباشر من المتروبوليتان على المسرح الصغير بدار الأوبرا المصرية.

وبرضه في الأوبرا فيه حفل أوركسترا القاهرة السيمفوني على المسرح الكبير بدار الأوبرا المصرية.

ونختم بيوم الأحد، ولعشاق السينما هتلاقوا في سينما الزمالك فيلم “Destination Wedding”. وسعر التذكرة: 75 – 100 جنيه.

أما مركز سيماتك فهيعرض فيلم “The Passion of Joan of Arc”. وسعر التذكرة: 25 جنيه.

كمان فيه حفل شعري لهاني خليفة مع الفرقة الموسيقية على مسرح قاعة النهر بساقية عبد المنعم الصاوي، وسعر التذكرة 40 جنيه.

برضه فيه حفل للمنشد محمد عاطف على مسرح قاعة الحكمة بساقية عبد المنعم الصاوي، وسعر التذكرة 40 جنيه.

لو عاوزين تعرفوا عن الأحداث اللي بننشرها كل يوم على مدار الشهر، تابعوا أجندتنا.

كل فريق كايرو 360 بيتمنى لكم ويك إند سعيد!