Cairo 360
كل أسبوع بنحاول نجمع لكم أفضل الأحداث والحفلات اللي هتحصل في أجازة نهاية الأسبوع في القاهرة، وبتكون متنوعة علشان تناسب أذواقكم واهتمامتكم أو تخليكم تجربوا حاجة جديدة.
ونبدأ بالنهارده يوم الخميس، وفرقة الكف الأسواني هتقدم حفلة غنائية على مسرح الضمة في عابدين. وسعر التذكرة: 40 جنيه.
أما مركز درب 1718 فهيستضيف حفلة غنائية لفريق قدال ميريل. وسعر التذكرة: 60 جنيه.
برضه الفنان مصطفى رزق هيقدم حفلة جاز في مكان. وسعر التذكرة: 50 جنيه.
كمان حفل مسرح العرائس هيقدم حفل للفنان محمد عبد الوهاب على مسرح قاعة الحكمة، في ساقية عبد المنعم الصاوي، وسعر التذكرة 25 جنيه.
وننتقل ليوم الجمعة، اللي هيشهد حفل الفنان علي الهلباوي على مسرح قاعة النهر في ساقية عبد المنعم الصاوي وسعر التذكرة 60 جنيه.
كمان فريق صدى ذات هيقدم حفلة غنائية في مركز درب 1718. وسعر التذكرة: 60 جنيه.
برضه فريق مسار إجباري هيقدم حفلة غنائية في السوق الشرقي، الرحاب 2.
أما رووم فبتدعوكم لحضور ليلة جميلة من أغاني بينك فلويد مع فريق بارانويد آيز. وسعر التذكرة: 75 جنيه.
ونختم بيوم السبت، وحفل المنشد محمود التهامي على مسرح قاعة الحكمة في ساقية عبد المنعم الصاوي، وسعر التذكرة 50 جنيه.
أما رووم آرت سبيس فبتدعوكم لحضور حفلة سول وآر آند بي، مع الثنائي دعاء السباعي وسامر جورج.
كمان زاوية بتدعوكم لمشاهدة ٢٠ فيلم مُرمم من أهم أعمال يوسف شاهين، بعد افتتاحها في سينما كريم. وسعر التذكرة: 40 جنيه.
لكن لو عاوزين تجربوا حاجة جديدة ففيه يوم مفتوح وورش موازية في مهكر دكة أضف.
لو عاوزين تعرفوا أكتر عن الأحداث اللي بننشرها كل يوم على مدار الشهر تابعوا أجندتنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
