The Definitive Guide to Living in the Capital , Cairo , Egypt

الويك إند المرة دي غير كل مرة، ده ويك إند الفلانتين. يعني حفلات وسهرات شكل تاني، وطعم تاني. يلا نشوف معانا إيه:

نبدأ من النهارده الخميس، وأول حفلات عيد الحب في فندق رويال ماكسيم بالاس كمبنسكي. الحفلة هييحيها النجم محمد حماقي، والفنانة مايا دياب. الحفلة هتبدأ الساعة 9 مساءً.

في احتفالية دار الأوبرا بعيد الحب، الفنان “هاني شاكر” هيقدم حفلة غنائية على المسرح الكبير. الحفلة هتبدأ الساعة 8 مساءً.

حفلة كمان بمناسبة عيد الحب،هيحييها الفنان “محمود العسيلي” في Andiamo Lake House. الحفلة هتبدأ الساعة 10 مساءً.

نروح للجمعة، وحفلة هنسمع فيها أجمل أغاني الراب، اللي هيقدمها “زاب ثروت” مع ساري هاني في ساقية الصاوي. الحفلة هتبدأ الساعة 7:30 مساءً.

رووم آرت سبيس هتستضيف حفلة “Soul Fever“، وهتقدمها دعاء السباعي مع مايكل يحيى. الحفلة هتبدأ الساعة 9 مساءً.

على مسرح الماركيه في كايرو فستيفال سيتي، ميعادنا مع حفلة غنائية هتقدمها “هبة الطوجي” و”أسامة الرحباني”. الحفلة هتبدأ الساعة 8 مساءً.

وفي آخر يوم، السبت، هتستمتعوا بالعرض المسرحي “رفقًا بالقوارير“. اللي بتقدمه فرقة “كومبارس” على مسرح تياترو آفاق. العرض هيبدأ الساعة 5:30 مساءً.

مساحة “فبريانو” بتقدم ورشة لتعليم كتابة الرواية، مع الروائية شيرين هنائي. الورشة هتبدأ الساعة 1 ظهرًا.

أجمل أغاني الجاز القديمة، هنسمعها مع “رنا حجاج” وفريق “جازوفرونكس“، في رووم آرت سبيس. الحفلة هتبدا الساعة 8:30 مساءً.

كل ده وحفلات تانية أكتر هتلاقوها في أجندة كايرو 360 من هنا.