The Definitive Guide to Living in the Capital , Cairo , Egypt

صحيح الدنيا برد والمطر في كل حتة، بس ده مايمنعش نقولكم على أهم حفلات الويك إند ده. علشان الخروجة الحلوة ماتتعوضش، مهما كان الجو:

نبدأ بالنهارده الخميس وحفلة روك مصري هيقدمها فريق “كود مصر” في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.

الأرجنتيني “خافيير جيروتو” والإيطالي “فينس أبراتشانت”، هيقدموا حفلة جاز وتانجو مميزة على المسرح الصغير، في دار الأوبرا المصرية. الحفلة هتبدأ الساعة 8 مساءً.

اللي بيحبوا الأغاني الشعبية، ليهم ميعاد مع فرقة “الطنبورة البورسعيدية” على مسرح الضمة. هيقدموا فيها مجموعة من أجمل الأغاني المتنوعة. الحفلة هتبدأ الساعة 8 مساءً. وسعر التذكرة: 40 جنيه.

نروح ليوم الجمعة مع حفلة غنائية مميزة جدًا للفنانة أصالة، على مسرح الماركيه في كايرو فيستفال سيتي. الحفلة هتبدأ الساعة 9 مساءً.

أغاني الفنانة الكبيرة وردة، هنسمعها في درب 1718 بصوت المصربة “وجدان“. الحفلة هتبدأ الساعة 8 مساءً. وسعر التذكرة: 75 جنيه.

لو غاويين مسرح ماتقلقوش، كله موجود عندنا. فرقة “الفرقة المسرحية” هتقدم مسرحية “البوابة” على مسرح الهوسابير في وسط البلد. العرض هيبدأ الساعة 6:30 مساءً. وسعر التذكرة:40 جنيه.

كده بقى ندخل على يوم السبت اللي هيكون فيه حفلة بوب/ روك لفرقة “Janan“، في رووم آرت سبيس. الحفلة هتبدأ الساعة 9 مساءً. وسعر التذكرة: 75 جنيه.

الخروجة لو طالبة ضحك وكوميديا، يبقى تطلعوا على 9 شارع عدلي، علشان هناك هيكون في عرض استاند أب كوميدي اسمه “ع الهادي“. العرض هيبدأ الساعة 7 مساءً. وسعر التذكرة: 50 جنيه.

فريق “خماسي علي عيسى” هيقدم حفلة غنائية في مركز جسور. الحفلة هتبدأ الساعة 8 مساءً. وسعر التذكرة: 50 جنيه.

الإيفينتس دي وأكتر في كل أيام الويك إند، تقدروا تعرفوها من هنا.