دليلك لويك إند سعيد: ألمع نجوم مصر والوطن العربي في ليالي القاهرة
تامر حسني تامر عاشور حفلة زين محمود ساقية الصاوي ساوند كلاش شعر عسيلي ماجدة الرومي محمد عدوية مركز المنارة مول مصر نسمة محجوب هشام الجخ
Cairo 360
الويك إند ده هو أقوى واحد عدى علينا من فترة طويلة. عايزين تعرفوا ليه؟ شوفوا الحفلات اللي فيه:
نبدأ من النهارده الخميس.. وحفلة “ساوند كلاش” في مول مصر، اللي هتستمر لحد يوم السبت. وهيكون فيها فرق مختلفة يوميًا. الحفلة هتبدأ الساعة 6 مساءً.
جامعة هليوبوليس هيكون فيها حفلة “كرنفال هليوبوليس“. واللي هيحييها فنانين كتير منهم محمود العسيلي وتامر عاشور. الحفلة هتبدأ الساعة 4 عصرًا.
الفنانة “نسمة محجوب” هتقدم حفلة غنائية، في مركز التحرير الثقافي في الجامعة الأمريكية. الحفلة هتبدأ الساعة 8 مساءً.
أجمل المقطوعات الموسيقية هنسمعها على آلة الماريمبا، في حفلة موسيقية هتقدمها “نسمة عبد العزيز“، على المسرح المكشوف في دار الأوبرا. الحفلة هتبدأ. الساعة 8 مساءً.
يوم الجمعة.. الميجا ستار “تامر حسني” هيقدم حفلة غنائية في مركز المنارة للمؤتمرات، في التجمع الخامس. الحفلة هتبدأ الساعة 5 مساء.
كمان الفنانة الكبيرة “ماجدة الرومي” هتقدم حفلة غنائية في كايرو فستيفال سيتي. الحفلة هتبدأ الساعة 8 مساءً.
استمتعوا بقعدة شعر وفن وروقان، بوجود الشاعر “هشام الجخ” في ساقية الصاوي. الأمسية هتبدأ الساعة 7 مساءً.
وصلنا ليوم السبت.. واللي هيكون فيه حفلة غنائية على مسرح أوبرا مست. هتجمع الفنان “محمد عدوية” و”عزمي مجدي”. الحفلة هتبدأ الساعة 8 مساءً.
أغاني الفلكلور والتراث ليها أصول وقواعد. بيت السناري هيستضيف ورشة لتعليم الغناء التراثي، هيقدمها الشيخ “زين محمود“. وهتبدأ الساعة 5 مساءً.
علبة ألوان هيكون فيها حفلة غنائية لفريق “Radio Yemen“. اللي هيقدم أجمل الأغاني اليمنية المميزة. الحفلة هتبدأ الساعة 8 مساءً.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
