دليلك لويك إند سعيد: أم كلثوم ومنال محي الدين وليلة للمايك المفتوح
Cairo 360
كل يوم فرصة أنك تدخل تجربة جديدة ومختلفة انتهز الفرصة في الويك إند واعرف أكثر عن أحداثنا اللي بننشرها كل يوم على مدار الشهر وهتخرجك بره المود وروتين الأسبوع.
نبدأ بيوم الخميس، حفل مسرح العرائس الساقية هيقدم حفل “أم كلثوم تعود من جديد” على مسرح الحكمة في ساقية عبد المنعم الصاوي، واللي هتقدم فيها أعنية سيرة الحب وأنت عمري، وسعر التذكرة 15 للأعضاء الساقية و25 لغير الأعضاء.
برضه فيه ريستال كمانجة وبيانو بعزف ياسمين سامي وبيانو مع الفنانة سيلفي بواريه على المسرح الصغير في دار الأوبرا المصرية.
كمان في الأوبرا برضه حفل الفرقة القومية العربية للموسيقى على المسرح الكبير.
أما في رووم بتستضيف حفلة غنائية لفريق “The Rolled Up Sleeves”. وسعر التذكرة: 50 جنيه.
وننتقل ليوم الجمعة، ورووم بتدعوكم لليلة للمايك المفتوح علي مسرحها. وحفلة لكل المواهب المختلفة. وسعر التذكرة: 50 جنيه.
كمان فيه حفل هارب للفنانة منال محيي الدين على مسرح الجمهورية والحجز قبل العرض.
أما لمحبي الإنشاد هتلاقوا حفل إنشاد للشيخ إيهاب يونس على مسرح الحكمة في ساقية عبد المنعم الصاوي، وسعر التذكرة 35 جنيه.
برضه في الساقية هيكون فيه مهرجان “أكادولي” حكاية جاي لكم من النوبة بكل ما فيها من أغاني وشعر وفن على مسرح النهر.
ونختم بيوم السبت، وهتلاقوا في علبة ألوان حفلة غنائية لفريق Glass Onion. وكمان هيكون في عرض لفيلم “Mother”. وسعر التذكرة: 100 جنيه.
كمان فريق واصل هيقدم حفلة غنائية في رووم آرت سبيس. سعر التذكرة: 50 جنيه.
ولمحبي الفن الراقي هتلاقوا حفل أوركسترا القاهرة السيمفوني على المسرح الكبير بدار الأوبرا المصرية.
أما لعشاق الشعر العصري ففي حفل الشاعر عمرو حسن على مسرح النهر في ساقية عبد المنعم الصاوي، والأسعار بتبدأ من 50 جنيه وحتى 100 جنيه.
لو عاوزين تعرفوا أكثر عن أجمد وأفضل الأحداث اللي بتصل في القاهرة تابعوا أجندتنا.
ويك إند سعيد!
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
