Cairo 360
كل يوم بداية جديدة لتجربة مختلفة في حياتك، منها اللي يبسطك ومنها اللي بتتعلم منه، ولأن الحياة أقصر من إنها تتقضى في البيت حاول تخرج طول الوقت.. وتستمتع بالدنيا. في السطور الجاية هنقول لك على أفضل الأنشطة الفنية والثقافية اللي هتحصل في الويك إند.
نبدأ بالنهارده يوم الخميس، وحفل فرقة أرابيش على مسرح الحكمة في ساقية عبد المنعم الصاوي، وسعر التذكرة 70 جنيه.
كمان هتلاقوا فرقة الرانجو هتقدم حفلة للتراث السوداني، على مسرح الضمة. وسعر التذكرة: 40 جنيه.
وأصحاب المزاج ما يفوتوش فرصة مقابلة لاعب الساكسفون شادي القصير، واللي هيقدم حفلة موسيقية في رووم آرت سبيس. وسعر التذكرة: 50 جنيه.
كمان دنيا أنيس وحبيبة زهران، هيقدموا حفلة غنائية في علبة ألوان. وسعر التذكرة: 80 جنيه.
وننتقل ليوم الجمعة، وحفل فرقة أدونيس فرقة الروك اللبنانية على مسرح الحكمة في ساقية عبد المنعم الصاوي، وسعر التذكرة 80 جنيه.
ولعشاق الفنان القدير زياد الرحباني، مساحة باب 18 هتستضيف حفلة لأغاني زياد رحباني مع داليا يونس ومحمد توفيق ورجائي وعبد الرحمن وعاشور هيغنوا وهيعزفوا بمشاركة الجمهور، وسعر التذكرة: 50 جنيه.
أما درب 1718 فهيستضيف حفلة إطلاق ألبوم وسط البلد “بنطلوني الجينز”. وسعر التذكرة: 75 جنيه.
كمان لعشاق الإنشاد هتلاقوا حفل الفنان علي الهلباوي على مسرح النهر في ساقية عبد المنعم الصاوي، وسعر التذكرة 60 جنيه.
ونختم بيوم السبت، وحفل هارب للفنانة منال محيي الدين على مسرح الحكمة في ساقية عبد المنعم الصاوي، وسعر التذكرة 75 جنيه.
برضه أوركسترا القاهرة السيمفوني هيكون لهم حفل على الكسرح الكبير بدار الأوبرا المصرية.
أما لو عاوز تستعيد ذكريات أغاني التسعينات فعلبة ألوان هتستضيف حفلة غنائية للفنان حسام حسني. وسعر التذكرة: 100 جنيه.
كمان فريق إيجيبادور هيقدم حفلة غنائية في رووم. وسعر التذكرة: 50 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
