The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: الكينج هيولع الدنيا في فاميلي بارك وحفلات أكتر في القاهرة

اسياد الزار الكينج النوبة الهوسابير امين الدشناوي انشاد تراث جرافيتي ترين حضرة حفلة روك رووم صدى ذات صوفي فاميلي بارك فروزين مدح مسرح منير نوبانور وسط البلد
دليلك لويك إند سعيد: الكينج هيولع الدنيا في فاميلي بارك وحفلات أكتر في القاهرة
بواسطة
Cairo 360

الويك إند حضر، استعدوا للاحتفال. يلا بينا نشوف الكلام على إيه المرة دي:

النهارده الخميس، هيكون في حفلة لفرقة “نوبانور” على مسرح الضمة في عابدين. الفرقة بتقدم كوكتيل من الرقص والموسيقى  والأغاني التراثية النوبية. الحفلة هتبدأ الساعة 8 مساءً.

وعلى مسرح الحكمة في ساقية الصاوي، هنسمع وصلة من المدائح التراثية الصوفية والذكر، مع فرقة “الحضرة“. الحفلة هتبدأ الساعة 7 مساءً.

مسرح الهوسابير في وسط البلد، هيستضيف العرض المسرحي “فروزين” للأطفال. العرض هيبدأ الساعة 6 مساءً.

يوم الجمعة، هيبقى دمار شامل. لإن فيه حفلة الكينج “محمد منير” في فاميلي بارك القاهرة الجديدة. بمناسبة إطلاق ألبومه الجديد (وطن). الحفلة هتبدأ الساعة 6 مساءً.

رووم آرت سبيس هتستضيف حفلة غنائية لكل أغاني بينك فلويد، هيقدمها فريق “Gravy Train“. الحفلة هتبدأ الساعة 8:30 مساءً.

فرقة باليه أوبرا القاهرة وأوركسترا أوبرا القاهرة، هيقدموا عرض باليه “لابايادير” على المسرح الكبير. الحفلة هتبدأ الساعة 8 مساءً.

وصلنا للسبت، واللي هيكون فيه حفلة ذكر وإنشاد، هيقدمها الشيخ “أمين الدشناوي” في السيدة زينب. الحفلة هتبدأ الساعة 10 مساءً.

فرقة “أسياد الزار” هتقدم عرض الزار المصري، اللي بيعتمد في الأساس على آلة الطنبورة. الحفلة هتبدأ الساعة 8 مساءً.

في رووم آرت سبيس، فرقة “صدى ذات” هتقدم حفلة روك مصري. الحفلة هتبدأ الساعة 8 مساءً.

كل ده وحفلات تانية أكتر هتلاقوها في أجندة كايرو 360 من هنا.

مقترح