Cairo 360
الويك إند هو الريستارت بتاعنا اللي بيه بنقدر نكمل، علشان كده فريقنا في كايرو 360 هيقولكم على أهم الأحداث والحفلات في القاهرة اللي بيها هتروق دماغك وتظبط مزاجك وترجع فريش:
الخميس.. تقدروا تحضروا حفلة فرقة نوبا نور النوبية علشان تستمتعوا بتراث أهل النوبة وأغانيهم الساعة 9 مساءًا في مركز المصطبة في وسط البلد، سعر التذكرة: 50 جنيه.
الفنانة ياسمين علي هتقدم حفلة جديدة في ساقية الصاوي الساعة 8 بالليل. أسعار التذاكر 77 و107 و157 جنيه.
لو طالبة معاك تضحك، يبقى الساعة 8 بالليل نتقابل في “مكان” علشان نحضر ستاند آب كوميدي هيقدمه الحزب الكوميدي بعنوان “باك تو سكول“. التذكرة سعرها 100 جنيه.
يوم الجمعة.. فريق شارمووفرز هيودعوا الصيف بآخر حفلة بمشاركة مع الفنانين “مصطفي حجاج” و”أحمد كامل” في مركز المنارة الدولي. أسعار التذاكر 250، و500 جنيه. الحفلة هتبدأ من الساعة 4 العصر.
السوبر ستار “تامر حسني” هيكون موجود في ستاد القاهرة بمشاركة “مصطفى حجاج” وفريق “واما” في حفلة خاصة هتبدأ من الساعة 3 العصر. الدخول بدعوات.
لو بتحبوا موسيقى الروك، فريق “ملاذ” هيقدموا حفلة روك عربي في ساقية الصاوي، الساعة 6:30. سعر التذكرة 57 جنيه.
أما يوم السبت.. الساعة 7:30 هنكون على معاد مع فرقة الحضرة اللي هتقدم مجموعة مبدعة من الأناشيد والمديح الصوفي في ساقية الصاوي. سعر التذكرة 75 جنيه.
والساعة 9 بالليل أسياد الزار في مركز المصطبة هيقدموا حلقة زار جديدة، هنشوف فيها شكل جديد ومختلف من أشكال الفنون الشعبية. سعر التذكرة 50 جنيه.
لو كنتم من عشاق المسرح، يبقى لازم تحضروا العرض المسرحي “ماما” على مسرح “الفلكي” الساعة 8 مساءً. العرض كان تم افتتاحه في مهرجان “أفينيون”، أكبر مهرجان للمسرح في العالم في فرنسا. سعر التذكرة 50 جنيه.
لسه الويك إند ماخلصش مع كايرو 360.. ولسه في أحداث وفعاليات وحفلات أكتر ممكن تتابعوها النهارده وبكره وكل يوم من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
