Cairo 360
كل أسبوع بنحاول نوفر لكم أفضل الأحداث الفنية اللي هتحصل في القاهرة وتخليكم تستمتعوا بالأجازة بتاعتكم سواء من خلال حضور حفلات فنية أو مسرح أو سينما أو حتى ورش مختلفة.
ونبدأ بالنهارده يوم الخميس، وحفل هوس باند على مسرح قاعة النهر بساقية عبد المنعم الصاوي، وسعر التذكرة 50 جنيه.
غير فرقة الكف الأسواني اللي هتقدم حفلة غنائية على مسرح الضمة. وسعر التذكرة: 40 جنيه.
أما كادر 68 فهيعرض فيلم The Grand Budapest Hotel. وسعر التذكرة: 25 جنيه.
كمان الفنان أشرف عبد الباقي هيقدم مسرحية جريما في المعادي مع فرقته الجديدة، على مسرح نجيب الريحاني.
وننتقل ليوم الجمعة، وحفل الفنانة أنغام على مسرح البروج على طريق القاهرة إسماعيلية، والأسعار بتبدأ من 300 جنيه.
ده غير أن الفنان تامر حسني بيحتفل بألبوم عيش بشوقك في حفلة كبيرة في كايرو فيستيفال القاهرة الجديدة.
أما رباعي نهى فكري للجاز فهيقدم حفلة غنائية في مركز درب 1718. وسعر التذكرة: 75 جنيه.
كمان في فاميلي بارك هيكون فيه حفلة Black and White اللي بتجمع عدد من فرق الأندرجراوند. زي مسار إجباري وشارموفرز وبلاك تيما ووسط البلد.
ولعشاق الإنشاد هيلاقوا حفل الفنان علي الهلباوي على مسرح قاعة النهر بساقية عبد المنعم الصاوي، وسعر التذكرة 60 جنيه.
ونختم بيوم السبت، وحفل الفنانة نادين شاه على مسرح قاعة النهر بساقية عبد المنعم الصاوي، وسعر التذكرة 50 جنيه.
كمان رووم هتستضيف حفلة غنائية لفريق دعسوقة. وسعر التذكرة: 75 جنيه.
أما في مركز الربع فهيستضيف حفلة إطلاق مشروع تخت. وسعر التذكرة: 75 جنيه.
برضه فيه حفل الفنانة إيمان شاكر والأصدقاء على المسرح المكشوف بدار الأوبرا المصرية، وسعر التذكرة 75 جنيه.
لو عاوزين تعرفوا أكتر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
