دليلك لويك إند سعيد: تامر وراغب وفؤش وعباس.. overdose حماس
تامر حسني حفلة راغب علامة رووم زار ساقية الصاوي سهرة شارموفرز علي الهلباوي فؤش محمد فؤاد مسرح نور خان هشام عباس
Cairo 360
حفلات ونجوم كتير مستنينكم الويك إند ده.. يلا نعرف هنقضيها فين:
النهارده الخميس، بنبدأ من مع النجم “هشام عباس“، اللي هيقدم حفلة غنائية في السوق الشرقي في الرحاب. الحفلة هتبدأ الساعة 9 مساءً.
وكمان النجم “محمد فؤاد” هيحيي حفلة غنائية في نادي بتروسبورت القطامية. وهيشاركه في الحفلة الفنانة “ساندي”. الحفلة هتبدأ الساعة 3 ظهرًا.
السهرة هتولع في كايرو جاز كلوب، مع فريق “شارموفرز“. اللي هيغنوا أجمل أغانيهم الجديدة والقديمة. الحفلة هتبدأ الساعة 10:30 مساءً.
نروح للجمعة، وحفلة لنجم الجيل “تامر حسني” في جامعة القاهرة. الحفلة هتبدأ الساعة 6 مساءً. وحفلة كمان يوم السبت في الجامعة الروسية، هتبدأ الساعة 3 عصرًا.
وفي الجامعة الأمريكية هيكون في حفلة تانية للسوبر ستار “راغب علامة“، ضمن فعاليات (مشروع خير). الحفلة هتبدأ الساعة 7 مساءً.
أجمل المواويل وأغاني الطرب، هيقدم الفنان “علي الهلباوي” على مسرح النهر في ساقية الصاوي. الحفلة هتبدأ الساعة 7:30 مساءً.
نختم بقى بيوم السبت، اللي هيكون فيه حفلة لـ “نور خان” في رووم آرت سبيس. وهتكون حفلة أكوستيك لأغاني إيفانسينس.
عرض الزار والفلكلور هتقدمه فرقة “أسياد الزار“، على مسرح الضمة في عابدين. الحفلة هتبدأ الساعة 9 مساءً.
على خشبة المسرح القومي في العتبة، لنا ميعاد مع مسرحية “يعيش أهل بلدي“. العرض هيبدأ الساعة 9 مساءً.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
