دليلك لويك إند سعيد: جمعنا لكم أجمل حفلات وخروجات القاهرة
أحداث القاهرة دراويش أبو الغيط رايد رووم أرت سبيس سمير غانم عيد الموسيقى مزيكا مسرح مسرح الشباب مي عبد العزيز ويك إند يسرا الهواري
Cairo 360
في دليلك لويك إند سعيد بنجمع لكم أهم الحفلات والأنشطة اللي هتضمن لكم تقضية أحلى ويك إند في القاهرة.. تعالو نعرف أحلى خروجات الويك إند ده من السطور الجاية.
نبدأ بالنهارده يوم الخميس، وفرقة دراويش أبو الغيط هتقدم حفلة غنائية، على مسرح الضمة في عابدين. وسعر التذكرة: 40 جنيه.
كمان رووم بتدعوكم لحضور حفلة يسرا الهواري. سعر التذكرة: 75 جنيه.
أما جرامافون فهتستضيف حفلة لكل عازفين الآلات الموسيقية. والدخول مجانًا.
ولعشاق المسرح فيه مسرحية “سيبوني أغني” للنجم سمير غانم، راجعة تاني على مسرح الريحاني في وسط البلد. وسعر التذكرة من 80 لحد 500 جنيه.
وننتقل ليوم الجمعة، وحفل عيد الموسيقى برعاية المركز الثقافي الفرنسي في حديقة الأزهر واللي هيكون فيه حفلات لفرق ومطرين كتير زي هوس وشيرين عبده.
أما عشاق الرياضة فاستعدوا فقلب جامد علشان فريق بدال عامل رايد عجل في مصر الجديدة لمسافة 16 كيلو تقريبًا، وسعر التذكرة 60 جنيه.
برضه كايرو كلوب عامل جرية 5 كيلو في الزمالك، والتجمع عند نادي القاهرة.
كمان فيه حفل للفنانة مي عبد العزيز على مسرح الحكمة في ساقية عبد المنعم الصاوي، وسعر التذكرة 60 جنيه.
ونختم بيوم السبت، وحفل فرقة سكون في رووم أرت سبيس، وسعر التذكرة 50 جنيه.
كمان فيه حفل لفرقة أوركسترا القاهرة السيمفوني على المسرح الكبير بدار الأوبرا المصرية.
ولعشاق المسرح ماتفوتوش عرض مسرحية يوم معتدل جدًا واللي من إنتاج ورشة ارتجال على مسرح الشباب، وهي من تأليف سامح عثمان، وسعر التذكرة 20 جنيه.
برضه فيه حفل فرقة الإنشاد الديني على مسرح الجمهورية.
لو عاوزين تعرفوا أكثر عن الأحداث اللي بننشرها كل يوم على مدار الشهر. تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
