The Definitive Guide to Living in the Capital , Cairo , Egypt

الأسبوع خلص وداخلين على أجازة طويلة علشان شم النسيم. وطبعًا كله بيجهز الفسيخ والرنجة التمام. بس تعالوا الأول نعرف هنقضي الويك إند ده في إيه:

أكيد البداية النهارده بيوم الخميس. فرقة الجركن البدوية هتقدم حفلة في مكان. هيكون فيها مجموعة من الأغاني والرقصات المختلفة. الحفلة هتبدأ الساعة 8 مساءً، وسعر التذكرة: 30 جنيه. مركز جرامافون في المعادي هيعرض فيلم الإثارة “Split“. العرض هيبدأ الساعة 7:30 مساءً، وسعر التذكرة: 25 جنيه. أما رووم آرت سبيس هيعمل ليلة مايك مفتوح، علشان كل اللي عند موهبة يقدمها. الحفلة هتبدأ الساعة 8 مساءً، وسعر التذكرة: 35 جنيه.

ندخل على يوم الجمعة، مع حفلة إنشاد ديني لفرقة “الحضرة” في الربع. الحفلة هتبدأ الساعة 7:30 مساءً، وسعر التذكرة: 40 جنيه. رووم آرت سبيس هتستضيف حفلة موسيقية، لعازفة العود ياسمين البرماوي. الحفلة هتبدأ الساعة 8:30 مساءً، وسعر التذكرة: 50 جنيه. فرقة “سرور” هتقدم حفلة لأول مرة في علبة ألوان. الحفلة هتبدأ الساعة 8 مساءً، وسعر التذكرة: 60 جنيه.

نختم بقى بيوم السبت، اللي هيكون فيه حفلة للفنانة مي عبد العزيز في باب 18 بمصر الجديدة. الحفلة هتبدأ الساعة 7 مساءً، سعر التذكرة: 50 جنيه. وسينما مجنوليا في الزمالك هتعرض الفيلم الألماني “Almanya: Welcome to Germany“. العرض هيكون الساعة 7 مساءً، والدخول مجانًا. أما مكان، هيكون فيه حفلة لمشروع “ألفين الخالدي“. الحفلة هتبدأ الساعة 8 مساءً، وسعر التذكرة: 30 جنيه.

ويك إند لذيذ.