The Definitive Guide to Living in the Capital , Cairo , Egypt

فريق كايرو 360 جمع لكم أهم الحفلات والأنشطة اللي هتحصل في الويك إند ده، واللي هتخليكم تقضوا أحلى أجازة.. يلا بينا:

طبعًا هنبدأ بالنهارده، الخميس:

الفنانة نسمة عبد العزيز وفرقتها، هيحييوا حفلة موسيقية على المسرح المكشوف في دار الأوبرا. ونسمة معروفة بلعب آلة الماريمبا. اللي بتقدم بها أحلى مزيكا. الحفلة هتبدأ الساعة 8 مساءً. وسعر التذكرة: 75 جنيه.

في درب 1718 هنسمع أجمل أغاني التراث النوبي، واللي هيقدمها فريق “آر تي نوبة“. الفريق بيقدم الأغاني بشكل معاصر، وكل أعضائه من النوبة. الحفلة هتبدأ الساعة 8 مساءً. وسعر التذكرة: 50 جنيه.

علبة ألوان هيكون فيها حفلة غنائية لفريق طارق العاصي والأصدقاء. هيقدم خلالها ميكس من موسيقى الروك والريجي، وأنواع تانية كتيرة. الحفلة هتبدأ الساعة 8:30 مساءً. وسعر التذكرة: 100 جنيه.

يوم الجمعة:

يوم الجمعة ده اللي مفيش زيه، علشان الكريستالة أنغام هتحيي حفلة غنائية على مسرح الماركي في كايرو فستيفال سيتي. الحفلة هتبدأ الساعة 9 مساءً. وسعر التذكرة بيبدأ من 300 لـ 750 جنيه.

مش بس كده، أجمل الأغاني والمواويل هنسمعها من الفنان علي الهلباوي، على مسرح النهر في ساقية الصاوي. الحفلة هتبدأ الساعة 8 مساءً. سعر التذكرة: 50 جنيه.

نضحك بقى ونفرفش شوية، في دا هاوس في الدقي. مع فريق “كفارة” اللي هيقدم عرض استاند أب كوميدي. العرض هيبدأ الساعة 6:30 مساءً. وسعر التذكرة: 30 جنيه.

يوم السبت:

نروح ليوم السبت مع حفلة لفريق “جاوي” في رووم آرت سبيس. الفريق بيقدم أغاني بيمزج فيها الغنا بالشعر، مع الأغاني التراثية. الحفلة هتبدأ الساعة 9 مساءً. وسعر التذكرة: 50 جنيه.

مدار في المعادي هيستضيف حفلة للفنانة “فاطمة عادل“. فاطمة واحدة من أفضل اللي أنشدوا السيرة الهلالية. واتميزت بأداء رائع للفلكلور المصري. الحفلة هتبدأ الساعة 8 مساءً. سعر التذكرة: 50 جنيه.

كل اللي عنده موهبة، سواء شعر أو غنا أو تمثيل أو رسم.. إلخ، لازم يحضر حفلة “فرصتك في الربع“. اللي عاملها مركز الربع الثقافي. الحفلة هتبدأ الساعة 6 مساءً. والدخول مجانًا.

Make Your Weekend Rock.