The Definitive Guide to Living in the Capital , Cairo , Egypt

زي كل أسبوع بنحاول نوفر لكم أفضل الأحداث اللي ممكن تساعدكم تستمتعوا بالويك إند من خلال حضور حفلات وأنشطة مميزة.

ونبدأ بالنهارده يوم الخميس، وحفل إنشاد ديني لفرقة نور النبي مع الفنانة عايدة الأيوبي على مسرح قاعة النهر بساقية عبد المنعم الصاوي، وسعر التذكرة 60 جنيه.

كمان الفنانة آسيا مدني هتقدم حفلة غنائية في مركز درب 1718. وسعر التذكرة: 60 جنيه.

برضه  فرقة الرانجو السوداني هتقدم حفلة غنائية على مسرح الضمة. وسعر التذكرة: 40 جنيه.

أما مسرح الهوسابير فهيستضيف عرض مسرحية سينما 30. وسعر التذكرة: 40 جنيه.

وننتقل ليوم الجمعة، حفل الفنان جورج وسوف على مسرح البروج في طريق القاهرة إسماعيلية الصحراوي بمقر الساقية الجديد، وأسعار التذاكر تبدأ من 350 جنيه.

أما في الجامعة الأمريكية في التجمع الخامس، فهيكون فيها حفلة غنائية للنجوم: تامر حسني – محمود العسيلي. وسعر التذكرة: 350 جنيه.

برضه فريق Omar & The Eastern Power هيقدم حفلة موسيقية في درب 1718. وسعر التذكرة: 75 جنيه.

ولو عاوزين تستمتعوا مع أصحابكم برايد عجل في الزمالك. وسعر التذكرة: 85 جنيه.

ونختم بيوم السبت، وحفل الفنان علي الحجار على مسرح قاعة الحكمة بساقية عبد المنعم الصاوي، وأسعار التذاكر تبدأ من 80 جنيه.

كمان فيه حفل فرقة كايروكي على مسرح قاعة النهر بساقية عبد المنعم الصاوي، واللي هيقدموا حفلتين وراء بعض، حفل الساعة 3 وحفل الساعة 7، وسعر التذكرة 80 جنيه.

برضه إيجيبادور باند هتقدم حفلة غنائية في رووم آرت سبيس. وسعر التذكرة: 75 جنيه.

أما فريق نوجا باند فهيقدموا حفلة غنائية في مركز درب 1718. وسعر التذكرة: 60 جنيه.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!