Cairo 360
الحياة مليانة ألوان وكل واحد بيختار اللون اللي عاوز يلون به حياته، فيه اللي بيحب اللون الأخضر اللي بيعبر عن حب الحياة والاستمتاع بكل لحظة فيها، وفيه اللي مش شايف غير اللون الأسود وحابس نفسه جوه أوهامه، لون حياتك بألوان مبهجة واعرف هتخرج فين في القاهرة في الويك إند.
نبدأ بيوم الخميس، وهتلاقوا فرقة الطنبورة البورسعيدية هتقدم حفلة غنائية، على مسرح الضمة في عابدين. وسعر التذكرة: 40 جنيه.
كمان فيه حفل نسمة عبد العزيز في دار الأوبرا المصرية بالمسرح المكشوف، وسعر التذكرة 75 جنيه.
ولعشاق الفن هتلاقوا حفل مسرح عرائس الساقية اللي هيقدم حفلتين لعرض أم كلثوم تعود من جديد، وهم هذه ليلتي وعودت عيني، وسعر التذكرة للحفل الواحد 25 جنيه.
كمان فيه حفل أوركسترا القاهرة السيمفوني على المسرح الكبير بدار الأوبرا المصرية.
وننتقل ليوم الجمعة، ورووم آرت سبيس بتدعوكم لحفلة مع فرقة ملاذ. وسعر التذكرة: 80 – 100 جنيه.
وبرضه في رووم هتلاقوا حفل لفرقة الروك “The Rolled Up Sleeves”. وسعر التذكرة: 50 جنيه.
كمان فيه حفل ريسيتال غنائى مع تحية شمس الدين وأمسية نسمة من الجنوب للدكتور على عثمان على المسرح الصغير في الأوبرا.
ولعشاق الإنشاد هتلاقوا حفل فرقة أبو شعر على مسرح النهر في ساقية عبد المنعم الصاوي، وسعر التذكرة 65 جنيه.
ونختم بيوم السبت، ورووم بتدعوكم لحضور عرض فن الخادع البصري، مع الساحر عمرو خالد. وسعر التذكرة: 50 جنيه.
أما سيما دكة في دكة أضف، هتعرض فيلم “Taare Zameen Par”. والدخول مجانًا.
كمان هتلاقوا حفل ميتال بلاست على مسرح النهر في ساقية عبد المنعم الصاوي، وسعر التذكرة 150 جنيه.
برضه في مركز الربع الثقافي فيه كورس تعليم آلة الكمان. وسعر الكورس: 200 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
