The Definitive Guide to Living in the Capital , Cairo , Egypt

أخيرًا الويك إند! يعني الانبساط والخروج والاستمتاع بالحياة.. تعالوا نعرف مع بعض أهم الأحداث اللي هتحصل في القاهرة من دليل #كايرو_360.

نبدأ بالنهارده يوم الخميس، وحفل الموسيقار الكبير نصير شمه على مسرح الحكمة في ساقية عبد المنعم الصاوي، وسعر التذكرة 80 جنيه.

أما جرامافون فعاملة قعدة مزيكا مفتوحة لكل اللي بيحب المزيكا واللي بيعلبها. وسعر التذكرة: 10 جنيه.

كمان فيه حفل فرقة محبي السمسمية والفن الشعبي على مسرح الجمهورية، والحجز قبل الحفل.

برضه فيه عرض أوبريت “الأرملة الطروب” اللي بتقدمه فرقة أوبرا القاهرة، وأوركسترا أوبرا القاهرة، على المسرح الكبير بدار الأوبرا المصرية.

وننتقل ليوم الجمعة، وحفل فرقة أيامنا الحلوة على مسرح النهر في ساقية عبد المنعم الصاوي، وسعر التذكرة من 50 لـ 100 جنيه.

برضه رباعي أوتار هيقدم مزيكا بتجمع التانجو واللاتين والكلاسيك في جرامافون. سعر التذكرة: 60 جنيه.

أما للناس اللي بتحب تسمع مزيكا وهي بتاكل جرب تاكل الستيك وأنت بتسمع مزيكا لايف في مجنوليا.

ولعشاق اللوحات الفنية سفرخان جاليري مستضيف معرض “تأملات”، للفنان رامز مصطفى.

ونختم بيوم السبت، ولعشاق الفلكلور فيه حفل فرقة المولوية المصرية  على مسرح النهر في ساقية عبد المنعم الصاوي، وسعر التذكرة 50 جنيه.

وبرضه في الساقية فيه حفل الفنان وائل الفشني في قاعة الحكمة، وسعر التذكرة 40 جنيه.

كمان فيه سهرة جاز مع الفنانة المغربية “سارة مولابلاد” في علبة ألوان. سعر التذكرة: 75 جنيه.

ولعشاق الأفلام مركز جسور الثقافي هيعرض فيلم “The Giver”. الدخول مجانًا.

لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.

ويك إند سعيد!