دليلك لويك إند سعيد: حفلات لـ يحيى خليل وعمرو دياب وحنان ماضي وكمان عروض أفلام
Cairo 360
كل مابتعدي أيام شبه بعض كل ما بيمر عمرك من غير ما تحس بيه، علشان كده مهم جدًا تجرب من وقت للتاني حاجة جديدة تخليك تحس بالتغيير، وعلشان كده بنحاول دائمًا في #كايرو_360 نقدم لك كل أسبوع موضوع دليلك لويك إند سعيد، اللي هدفه تغير جو وتتخلص من الملل اللي ممكن يكون في حياتك.
نبدأ بالنهارده يوم الخميس، وحفل الموسيقار الكبير يحيى خليل على المسرح الصغير بدار الأوبرا المصرية، والتذاكر متاحة للبيع قبل الحفل.
أما رووم فهتستضيف حفلة غنائية للفنانة المغربية سارة مولابلاد. وسعر التذكرة: 50 جنيه.
كمان علبة ألوان هتعرض فيلم “Loving Vincent” لمدة 3 أيام. وسعر التذكرة: 75 جنيه.
ودرب 1718 هيستضيف حفلة استاند أب كوميدي مع فريق الحزب الكوميدي. وسعر التذكرة: 50 جنيه.
وننتقل ليوم الجمعة، والسوبر ستار عمرو دياب هيحيي حفلة في كايرو فستيفال سيتي مول. وسعر التذكرة: 350 جنيه.
أما مشروع چيبسي چاز فهيقدم حفلة غنائية في رووم. وسعر التذكرة: 50 جنيه.
كمان فيه حفل للفنانة حنان ماضي على المسرح الصغير بدار الأوبرا المصرية، والتذاكر بتباع قبل الحفل.
برضه هتلاقوا حفل الفرقة القومية العربية للموسيقى احتفالًا بذكرى الفنان سيد حجاب على المسرح الكبير في دار الأوبرا المصرية.
ونختم بيوم السبت، وحفل أوركسترا القاهرة السيمفوني على المسرح الكبير في دار الأوبرا المصرية.
أما علبة ألوان فهتستضيف حفل لفريق “كركدن”. وكمان هتعرض فيلم “إسكندرية ليه”. وسعر التذكرة: 75 جنيه.
برضه مشروع “مذكرات موسيقية” للفنان أمير مرزق هيقدم حفلة غنائية في رووم. وسعر التذكرة: 50 جنيه.
كمان عشاق الفن هيستمتعوا في جاليري سفرخان واللي هيستضيف معرض “موعد مع المؤسسين”، لصلاح عبد الكريم وكمال خليفة.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
