The Definitive Guide to Living in the Capital , Cairo , Egypt

استغلوا كل يوم في حياتك بأنكم تعملوا اللي بتحبوه وتكتشفوا حاجات جديدة، وده اللي بنحاول نوفره في أجندتنا اللي بننشر فيها أحداث مختلفة كل يوم.

ونبدأ بالنهارده الخميس، روم آرت سبيس بجاردن سيتي عاملة حفل موسيقي للفنان "أحمد عمر" ضمن سلسلة فعاليات للفن الإفريقي ينظمها المكان، وسعر تذكرة الحضور 50 جنيه. كمان "أوزيريس آرت سبيس" بجاردن سيتي عاملة معرض للفنانة التشكيلية إيمان حسين يحمل اسم "السيدة ميريل المصرية"، وهيستمر المعرض في الفترة ما بين 10 لـ 20 نوفمبر الجاري يوميًا من الساعة 6:00 إلى 10:00 مساءً، والدعوة عامة.

أما في مسرح قاعة النهر بساقية الصاوي فيه حفل موسيقي لفرقة "هوس"، وسعر تذكرة الحضور 25 جنيه. وفي دار الأوبرا المصرية فيه حفل غنائي باسم"رانجو" من تنظيم مركز المصطبة للموسيقى والفنون الشعبية، الحفل بمناسبة  عيد الميلاد العشرين لفرقة الرانجو والفن السوداني، وهتشارك فيه فرقة الطنبورة البورسعيدية، وسعر تذكرة الحضور 35 جنيه. برضه في مركز باب 18 للفنون بمصر الجديدة فيه حفل موسيقي لـ "Valley Project"، والفريق مكون من ملك طارق عازفة الدرامز وأحمد الخولي عازف الجيتار، وسعر تذكرة الحضور 40 جنيه.

وننتقل ليوم الجمعة، وفيه في روم آرت سبيس بجاردن سيتي حفل موسيقي للفنان السوداني "إبراهيم فانوس" بيقدم فيه العديد من ألوان الموسيقى الإفريقية، وسعر تذكرة الحضور 50 جنيه. كمان دار الأوبرا المصرية فيها فعاليات مهرجان الموسيقى العربية الخامس والعشرين، وهتبدأ فعاليات المهرجان يوميًا في تمام الثامنة مساءً على المسارح المختلفة.

ونختم بيوم السبت، ومفاجأة لكل الأكيلة كايرو فيستيفال سيتي مول هتستقبل السنة دي  أحد أكبر مهراجنات الأكل واللي بيشارك فيها محلات أكل كتيرة في مصر واللي يحمل اسم "مولد الأكيل"، والحضور بدعوات مجانية وبيكون فيه حفلات وفقرات دعائية مختلفة. كمان مجموعة "Nile Runners-Cairo" عاملة يوم للجري الجماعي في الزمالك، نقطة التجمع أمام إمبريال الزمالك، والمشاركة مفتوحة للجميع. وكعادة كل يوم سبت، فيه حفل التنورة في مركز إبداع وكالة الغوري، وسعر تذكرة الحضور 5 جنيه للمصرين.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!