دليلك لويك إند سعيد: حفلات وعروض رقص وورش مفيدة في القاهرة
Cairo Steps HOH Nobody’s Boy Remi أركتك كورنار إرث ارث الزمن الجميل الساقية المنصة رجعت الشتوية رقص زومبا ساقية الصاوي سينما الزمالك فويس باند كايروكي كريسماس معت
Cairo 360
ويك إند جديد.. أحلى ويك إند ده ولا إيه؟؟ ماتيجوا نشوف:
نبدأ بليلة الخميس مع عروض رقص معاصر قصيرة بعنوان “المنصة” هيقدمها (مركز القاهرة للرقص المعاصر) على مدى 6 أيام، وهتبتدي من النهارده الساعة 8 مساءً. سعر التذكرة: 30 جنيه.
فيه كمان حفلة لـ “HOH” و “Cairo Steps” هتنظمها “هاوس إيجبت” في “كايرو فيستفال سيتي” الساعة 7 بالليل.
لو طالبة معاك ضحك، يبقى ماتفوتش “أوبن مايك ستاند أب كوميدي” اللي هيقدمها “الحزب الكوميدي” في “درب 1718” الساعة 8 مساءً. سعر التذكرة: 60 جنيه.
نبتدي الجمعة بورشة صغيرة لمدة يوم واحد هنتعلم فيها إزاي نرسم بالقلم الرصاص والرسم الحر و استخدام الألوان الخشب في “أركتك كورنار” من الساعة 11 الصبح . سعر الورشة:150 جنيه.
لو عجبك موضوع الغنى ده، وشفت في نفسك فنان المستقبل، يبقى ممكن تتعلم المقامات والغنا في ورشة “فويس باند” اللي هتعملها في “ضريح سعد زغلول” الساعة 1 ظهرًا.
ليلة الجمعة لازم تبقى ليلة أنس وطرب، وهنبتديها بليلة طربية مع نجوم الزمن الجميل و”رجعت الشتوية” مع “إرث” الساعة 7 ، واللي هتقدم لنا أجمل أغاني زمان. سعر التذكرة:40 جنيه.
وبما إن السبت آخر يوم في الويك إند، فكان لازم يبقى ختامها مسك، ومفيش أحلى من حفلة لـ “كايروكي” ممكن تحضرها مع أصحابك في “الساقية” السبت الساعة 3 العصربـ 85 جنيه للفرد. أظن دي ممكن تبقى أحلى بداية لليوم.
هتخلص حفلة “كايروكي” وهيبقى قدامك حل من الإتنين، جمبك “سينما الزمالك” واللي هتعرض الفيلم الفرنسي “Remi, Nobody’s Boy” الساعة 7:30. وسعر التذاكر 75 و 100 جنيه.
أو إنك تختمها بحفلة رقص “كريسماس زومبا” واللي هتكون في “لايف أب” الساعة 7:30.
كل “ويك إند” وأنتم مبسوطين، ومع أجندة كايرو 360 دايمًا هتلاقوا كل جديد.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
