The Definitive Guide to Living in the Capital , Cairo , Egypt

كل أسبوع بنحاول نوفر لكم أفضل الأحداث اللي تخليكم تقضوا ويك إند مختلف ومميز، علشان ترجعوا لبداية الأسبوع مليانين نشاط وسعادة.

نبدأ بالنهارده يوم الخميس، ورووم بتدعوكم لحضور ليلة جميلة من أغاني بينك فلويد مع فريق بارانويد آيز. وسعر التذكرة: 75 جنيه.

أما لعشاق الست ففيه حفلتين لمسرح عرائس الساقية وعرض أم كلثوم تعود من جديد مع أغنيتين أنت الحب وأمل حياتي، وسعر التذكرة 25 جنيه.

برضه فيه حفل فرقة بلاك تيما على المسرح المكشوف بدار الأوبرا المصرية، وسعر التذكرة 75 جنيه.

كمان فرقة الكف الأسواني هتقدم حفلة غنائية على مسرح الضمة في عابدين. وسعر التذكرة: 40 جنيه.

أما لعشاق الكوميديا ففيه عرض ستاند أب كوميدي لعلي قنديل على مسرح النهر بساقية عبد المنعم الصاوي، وسعر التذكرة 50 جنيه.

وننتقل ليوم الجمعة، ورووم آرت سبيس بتدعوكم لحفلة چاز، مع رباعي نهى فكري للچاز. وسعر التذكرة: 75 جنيه.

كمان فريق بارانويد أيز هيقدم حفلة غنائية في درب 1718. وسعر التذكرة: 60 جنيه.

أما لعشاق الفلكلور الأفريقي حفل فرقة أفرونوبيا على مسرح النهر بساقية عبد المنعم الصاوي، وسعر التذكرة 35 جنيه.

برضه فيه حفل لفرقة جلاس أونيون على المسرح المكشوف بدار الأوبرا المصرية.

ونختم بيوم السبت، ومركز الربع الثقافي هيكون فيه حفلة The future voice للمواهب المختلفة. وسعر التذكرة: 25 جنيه.

أما رووم فهي بتدعوكم لحضور حفلة ميجومي & فريندز. وسعر التذكرة: 50 جنيه.

كمان ماتفتكمش حفل الفنان علي الحجار على مسرح الحكمة في ساقية عبد المنعم الصاوي، وأسعار التذاكر تبدأ من 80 جنيه.

ولعشاق المسرح.. فالمسرح القومي في ميدان العتبة هيعرض مسرحية حي على بلدنا. والدخول مجانًا.

لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.