The Definitive Guide to Living in the Capital , Cairo , Egypt

كل ويك إند بيشغلك موضوع الخروجات وهتقضيه فين وإزاي. ما تضعيش وقت في التفكير واعرف كل خروجاتك مع كايرو 360:

نبدأ بالنهارده الخميس، وفريق دعسوقة هيقدم حفلة غنائية في رووم آرت سبيس. وسعر التذكرة: 75 جنيه.

كمان فرقة نوبانور هتقدم حفلة غنائية على مسرح الضمة. وسعر التذكرة: 40 جنيه.

برضه هيكون فيه حفل الفنانة سلمى محجوب على مسرح الحكمة في ساقية عبد المنعم الصاوي، وسعر التذكرة 50 جنيه.

أما الأوبرا فيها حفل الفرقة الفرقة القومية العربية للموسيقى  على المسرح الكبير.

نروح ليوم الجمعة، وفريق مونداليدا اللي هيقدم أغاني الفنانة داليدا في درب 1718. وسعر التذكرة: 60 جنيه.

وعشاق الشعر ميعادهم مع حفل الشاعر عمرو قطامش  على مسرح الحكمة في ساقية عبد المنعم الصاوي، وسعر التذكرة 55 جنيه.

أما رووم آرت سبيس فبتدعوكم لحضور ليلة موسيقية متميزة جدًا مع فرقة إستبينا. وسعر التذكرة: 50 جنيه.

ونختم بيوم السبت، وعرض مسرحية يوم معتدل جدًا من إنتاج ورشة ارتجال، على مسرح الشباب. إخراج سامح بسيوني. وسعر التذكرة 20 جنيه.

عشاق الأفلام الأنيميشن ما تفوتوش عرض مركز جسور الثقافي لفيلم “Moana“. والدخول مجانًا.

كمان رووم بتدعوكم للاستماع لموسيقى العود، من مؤلفات لاعب العود “علي عيسى”. وسعر التذكرة: 50 جنيه.

لو عاوين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.