The Definitive Guide to Living in the Capital , Cairo , Egypt

بعد أسبوع من ضغط الشغل ومن مواجهة بعض المواقف الصعبة بنبقى محتاجين نخرج ونغير الموود، وعلشان بنحاول نوفر لكم في دليلك لويك إند سعيد علشان تقضي ويك إند سعيد ومختلف. وترجع لشغلك مليان طاقة وحماس.. تعالوا نبدأ ونشوف الدليل فيه إيه!

نبدأ من النهارده الخميس، وحفل فريق “جنان” الغنائي في درب 1718. ضمن فعاليات برنامج مزيكا في السطح. سعر التذكرة: 50 جنيه. أما في رووم بالزمالك، ففيه حفل موسيقي هيحييه ثلاثي رامي عطا الله للجاز. وسعر التذكرة: 50 جنيه.

ولعشاق الباليه فرقة باليه أوبرا القاهرة، هتؤدي عرض باليه “زوربا” على المسرح الكبير بدار الأوبرا المصرية. وسعر التذكرة: 75 – 100 – 150 جنيه. أما لو بتحبوا الفنون الشعبية، ففيه حفل مدح وإنشاد صوفي لفرقة المولوية المصرية على مسرح النهر بساقية الصاوي. وسعر التذكرة: 30 – 35 جنيه.

وننتقل ليوم الجمعة، وحفل غنائي للفنانة مي عبد العزيز في مركز الربع الثقافي. وسعر التذكرة: 50 جنيه. كمان هتلاقوا في رووم بالزمالك، حفل أغاني التراث الأفريقي لمشروع “لوبيريا”. وسعر التذكرة: 50 جنيه. أما في بلكون هليوبوليس بمصر الجديدة،  فهيعرضوا الفيلم الفرنسي “The Red Turtle”. وسعر التذكرة: 25 جنيه.

ونختم بيوم السبت، وعودة للفنانة نسمة عبد العزيز وفرقتها،  في حفل موسيقي على المسرح المكشوف بدار الأوبرا المصرية. وسعر التذكرة: 50 جنيه. كمان فريق “صدى ذات” عامل حفل غنائي في مركز مدار بالمعادي. وسعر التذكرة: 50 جنيه. أما في مركز الربع ففريق الفراديس للإنشاد الصوفي عامل حفلة هيقدم فيها مجموعة من الأناشيد والمدح الصوفي. وسعر التذكرة: 40 جنيه. كمان فرقة “أسياد الزار” عاملة عرض الزار البلدي على مسرح الضمة بعابدين. وسعر التذكرة: 30 جنيه.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!