دليلك لويك إند سعيد: حفل كايروكي وشارموفرز وأنغام
Cairo 360
كل يوم فرصة جديدة أنك تدور على السعادة في مكان مختلف، مش المكان اللي بيهديك السعادة لكن أحساسك أنك بتجرب حاجة جديدة مع ناس بتحبهم هو اللي بيسعدك. تابعوا #أجندة_كايرو_360 اللي بتوفر لكم أحداث متنوعة طوال الشهر.
نبدأ بالنهارده يوم الخميس، وعرض مختلف هتقدمه فرقة “الحور” من خلال حفل إنشاد ديني في الربع. وهي أول فرقة إنشاد مكونة من البنات. وسعر التذكرة: 25 جنيه. أما في رووم بالزمالك فيه حفل غنائي لفريق “دعسوقة”. وسعر التذكرة: 50 جنيه. كمان مركز إنفوكس بالزمالك، هيعرض الفيلم الياباني “Rashomon”، والدخول مجاني. ولمحبي الموسيقى الهادئة، فيه حفل ريستال فيولينة وهارب على خشبة المسرح الصغير بدار الأوبرا. هيقدمه حسام شحاتة ومنال محيي الدين. وسعر التذكرة: 50 جنيه.
ننتقل ليوم الجمعة، وعرض خاص من فرقة الطنبورة في حفلها الغنائي على المسرح المكشوف بدار الأوبرا. سعر التذكرة: 35 جنيه. أما عشاق الطرب الأصيل يجهزوا لحفل النجمة أنغام على المسرح الروماني بالجامعة الأمريكية في القاهرة الجديدة. وسعر التذكرة: 400 جنيه. برضه في وسط البلد في مطعم عيش وملح، هتلاقوا عرض عرائس الماريونيت للأطفال. والدخول مجانًا. وهيستضيف ييلو أمبريلا بالمعادي، حفل غنائي هتحييه علياء خالد ومهاب. سعر التذكرة: 50 جنيه.
ونختم بيوم السبت، وحفلتين لفريق كايروكي وراء بعض، على مسرح النهر بساقية الصاوي. وسعر تذكرة الحفل: 60 جنيه. ولمحبي الأغاني القديمة فريق “ماركو والأصدقاء” هيحيوا حفل في علبة ألوان، هيقدموا فيها مجموعة من الأغاني المصرية والأجنبية القديمة. وسعر التذكرة: 50 جنيه. كمان فريق شارموفرز والفنان أسامة الهادي عاملين حفل غنائي بحديقة الأورمان، لدعم مؤسسة “حلم”. وسعر التذكرة: 100 جنيه.
لو عاوزين تعرفوا أكثر عن أحداثنا اللي بننشرها كل يوم على مدار الشهر، تابعوا أجندتنا.
مقترح
صحة ولياقة
اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X +12
معالم وسياحة
