The Definitive Guide to Living in the Capital , Cairo , Egypt

أخيرًا نقدر نقول إن ده أول ويك إند في الربيع، وكل ربيع والجو بديع، والحفلات والإيفينتات هتحل كل المواضيع، وعلشان كده.. هنقول لكم على أهم حفلات القاهرة، اللي هتغير مودكم وهتعيشوا معاها أجواء الربيع المبهجة.

الخميس.. الساعة 8 مساءً، معادنا مع حفلة الموسيقار يحيي خليل  في دار الأوبرا المصرية. سعر التذكرة 160 جنيه.

الساعة 7:30 مساءً، درب 1718 هيستضيف فرقة “بهججة” اللي هتقدم أغاني فرفشة وبهجة. سعر التذكرة 107 جنيه.

ولو أنتم من محبي الفنانة أم كلثوم تقدروا تستمتعوا بأغانيها “ألف ليلة وليلة”و”غدًا ألقاك” الساعة 6 مساءً على مسرح عرائس ساقية الصاوي. سعر التذكرة 42 جنيه.

يوم الجمعة.. السوبر ستار محمد حماقي هيكون موجود في الجامعة الأمريكية في التجمع الخامس.. الحفلة هتبدأ الساعة 5 مساءً، وسعر التذكرة 300 جنيه.

وبمناسبة اليوم العالمي للمرأة مركز “الربع الثقافي” هيحتفل بيه بشكل مختلف وفاعليات كتير “للسيدات فقط” وهيكون سعر التذكرة 200 جنيه.

كمان معادنا مع أكبر لتجمع لموسيقى الهيب هوب الساعة 3 العصر بمشاركة 8 مغنيين في حفلة “الجامعة الأمريكية” في وسط البلد.. سعر التذكرة 150 جنيه.

أما يوم السبت.. فريق ستاند آب كوميدي HaHaHaHaHa vol.1، هيكون موجود الساعة 7 مساءً في ساقية الصاوي.. التذكرة سعرها 72 جنيه.

فرقة أسياد الزار هتكون موجودة على مسرح “الضمة الثقافي” الساعة 8 مساءً.. سعر التذكرة 50 جنيه.

والساعة 9 مساءً.. رووم آرت سبيس هتستضيف فرقة ثلاثي رامي عطا الله لموسيقى الجاز بتذكرة سعرها 100 جنيه.

ويك إند سعيد يا أهل كايرو!