The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: رقص وأغاني وأحداث أكتر في أماكن مختلفة في القاهرة

دليلك لويك إند سعيد: رقص وأغاني وأحداث أكتر في أماكن مختلفة في القاهرة
بواسطة
Cairo 360

كل يوم فرصة أنك تسيب حياتك الروتينية وتجرب حاجة جديدة، والدليل اللي بنعمله كل أسبوع بيوفر لك تجارب جديدة تخليك تستعيد نشاطك وتكتشف الحاجات اللي بتحبها من أول وجديد.

نبدأ بالنهارده يوم الخميس، وحفل الفنانة سمية درويش في ساقية عبد المنعم الصاوي على مسرح الحكمة، وسعر التذكرة 35 جنيه.

 كمان فيه حفل للفنان صابر عبد الستار على المسرح المكشوف في دار الأوبرا المصرية، وسعر التذكرة 35 جنيه.

أما فريق إفتكاسات فهيقدم حفلة غنائية، في مهرجان الجاز في الجامعة الأمريكية.

برضه فرقة دراويش أبو الغيط، هتقدم حفلة غنائية على مسرح الضمة. وسعر التذكرة: 30 جنيه.

 

وننتقل ليوم الجمعة، وعرض باليه القرصان على المسرح الكبير في دار الأوبرا المصرية، وأسعار التذاكر: 150-100-75 جنيه.

أما لمحبي الجري والنشاط كايرو رانرز راجعة تجري في الشارع، من يوم الجمعة الجاية. ونقطة التجمع عند وزارة الزراعة في الدقي.

كمان فيه حفل لفرقة Egyptian Project في ساقية عبد المنعم الصاوي على مسرح النهر، وسعر التذكرة 45 جنيه.

أما عشاق الفنانة أنغام فهم على موعد مع حفلتها الغنائية، على مسرح الماركيه في كايرو فستيفال سيتي مول.

ونختم بيوم السبت، ومفاجأة مسرح القاهرة للعرائس، هيقدم مسرحية “الليلة الكبيرة” في شارع المعز، على مسرح الشاعر. الدخول مجانًا.

أما لو بتلعب استاند أب كوميدي أو مزيكا، تعالى واعرض موهبتك، في حفلة مايك مفتوح في باب 18. سعر التذكرة: 35 جنيه.

كمان رووم آرت سبيس هتستضيف فريق “Mn’jam Experiment”، من البرتغال. سعر التذكرة: 50 جنيه.

لكن لو عاوزين تجربوا حاجة مختلفة فعلًا وتتعلموا حاجة جديدة، مركز الرقص المعاصر بيقدم كورسات رقص مجانية، لمدة يومين.

لو عاوزين تعرفوا أكثر عن الأحداث اللي بننشرها كل يوم على مدار الأسبوع تابعوا أجندتنا.

ويك إند سعيد!

مقترح