دليلك لويك إند سعيد: طبلة وأوبرا ومزيكا في القاهرة
Cairo 360
العمر عبارة عن شوية تجارب ومغامرات، وأجندة كايرو 360 بتقول لكم اخرجوا، واستمتعوا بكل الأنشطة اللي بتتميز بيها عاصمتنا. في السطور الجاية هنقول لكم على أهم الحفلات والأنشطة الثقافية اللي هتحصل في القاهرة.
ونبدأ بالنهارده الخميس، وحفل على مسرح العرائس “أم كلثوم تعود من جديد” على مسرح الحكمة في ساقية عبد المنعم الصاوي واللي هتغني فيه “أمل حياتي – الأطلال”، وسعر التذكرة 20 جنيه.
كمان على المسرح الكبير في دار الأوبرا المصرية، هيكون فيه حفل ذكرى 40 عامًا على رحيل العندليب مع نجوم الأوبرا مع فقرة للمطرب الفلسطيني محمد عساف، وأسعار التذاكر، 150 – 250 – 400.
أما رووم فبتدعوكم لحضور حفلة أبيض وأسود. وسعر التذكرة: 50 جنيه.
ولمحبي الفن التشكيلي جاليري مصر بيستضيف معرض الفنان الراحل جميل شفيق.
وننتقل ليوم الجمعة، وهتلاقوا على خشبة مسرح الفلكي في وسط البلد، العرض المسرحي “حل الضفاير”. وسعر التذكرة: 40 جنيه.
وفي مركز جسور الثقافي، تقدروا تحضروا حفلة “دايرة الطبول” مع مصطفى بكار. وسعر التذكرة: 30 جنيه.
وهيكون فيه مجموعة من أجمل الأغاني العربية، هيقدمها الفنان فخر لقمان في الربع. وسعر التذكرة: 35 جنيه.
كمان مايفوتكمش حفل الفنان وائل الفشني على مسرح الحكمة في ساقية عبد المنعم الصاوي، واللي أشتهر جدًا بعد أغنيه في مسلسل واحة الغروب، وسعر التذكرة 40 جنيه.
ونختم بيوم السبت، وحفلة مختلفة جدًا في مركز دوار اللي بيقدم قعدة غنا جماعي للهواة. مع الفنانة “داليا يونس”.
كمان فيه حفلة غنائية بيحييها فريق السلم وأوسو تريو في رووم. سعر التذكرة: 50 جنيه.
برضه فريق الدور الأول هيقدم حفلة غنائية على مسرح الجنينة. سعر التذكرة: 30 جنيه.
وأخيرًا حفل للفنانة فيروز كراوية في قاعة الحكمة في ساقية عبد المنعم الصاوي، وسعر التذكرة 40 جنيه.
لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
